റിയാദ്: സൗദി അറേബ്യയിലെ മിനി സൂപ്പർ മാർക്കറ്റുകളിൽ ഇനി മുതൽ സിഗരറ്റും മറ്റ് പുകയില ഉല്‍പന്നങ്ങളും പഴം പച്ചക്കറികളും ഇറച്ചിയും വിൽക്കാനാവില്ല. ഇവയുടെ വിൽപ്പന നിരോധിച്ചുകൊണ്ട് മുൻസിപ്പൽ ഗ്രാമീണ ഭവനകാര്യ മന്ത്രാലയം ഉത്തരവിറക്കി. മിനി സൂപ്പർ മാർക്കറ്റ്( ബഖാല) സൂപ്പര്‍മാര്‍ക്കറ്റ്, ഹൈപ്പര്‍ മാര്‍ക്കറ്റ് എന്നിവയുടെ നടത്തിപ്പിന് നിലവിലുള്ള നിയമങ്ങളിൽ ഭേദഗതിയും വരുത്തിയിട്ടുണ്ട്.
ചെറുകിട സ്റ്റാളുകളിലും പച്ചക്കറികളും പഴവര്‍ഗങ്ങളും ഈത്തപ്പഴവും ഇറച്ചിയും സിഗരറ്റും ഇലക്‌ട്രോണിക് സിഗരറ്റും ഹുക്കയും പുകയിലയും വിൽക്കാൻ പാടില്ല. എന്നാൽ ഇവയെല്ലാം സൂപ്പര്‍ മാര്‍ക്കറ്റുകളില്‍ വിൽക്കുന്നതിൽ തടസ്സമില്ല. അതേസമയം സൂപ്പർ മാര്‍ക്കറ്റുകളില്‍ ഇറച്ചി വില്‍പനക്ക് പ്രത്യേക ലൈസന്‍സ് ആവശ്യമാണ്.
പ്രീ-പെയ്ഡ് മൊബൈല്‍ ഫോണ്‍ റീചാര്‍ജ് കൂപ്പണുകള്‍, മൊബൈൽ ഫോൺ ചാര്‍ജറുകള്‍ എന്നിവ ബഖാലകളിലും സൂപ്പര്‍ മാര്‍ക്കറ്റുകളിലും ഹൈപ്പര്‍ മാര്‍ക്കറ്റുകളിലും വിൽക്കാം.
പുതിയ നിയമപ്രകാരം ബഖാലകൾക്ക് മിനിമം 24 ചതുരശ്രമീറ്റർ വിസ്തീർണം ഉണ്ടായിരിക്കണം. സൂപ്പര്‍മാര്‍ക്കറ്റുകൾക്ക് മിനിമം 100 ചതുരശ്രമീറ്ററും ഹൈപ്പര്‍ മാര്‍ക്കറ്റുകൾക്ക് മിനിമം 500 ചതുരശ്രമീറ്ററുമാണ് ആവശ്യമായ വിസ്തീർണം. പുതിയ നിയമം നടപ്പായെങ്കിലും വേണ്ട ക്രമീകരണങ്ങൾ ചെയ്യാൻ 6 മാസം ഉടമകൾക്ക് സമയം അനുവദിച്ചിട്ടുണ്ട്.
Saudi Arabia has banned the grocery stores (baqalas) from the sale of tobacco, dates, meat, fruit and vegetables. This directive is among the new regulations issued by Minister of Municipalities and Housing Majed Al-Hogail.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates