റിയാദ്: സ്വ​ദേ​ശി​വ​ത്​​ക​ര​ണ നടപടിലൂടെ രാ​ജ്യ​ത്തെ പൗ​ര​ന്മാ​ർ​ക്ക്​ ജോ​ലി ല​ഭ്യ​മാ​ക്കു​ന്ന​തി​ൽ വ​ലി​യ നേ​ട്ട​മു​ണ്ടാ​ക്കി​യ​താ​യി മാ​ന​വ വി​ഭ​വ​ശേ​ഷി മന്ത്രാലയം. 24.8 ലക്ഷം ആളുകൾക്ക് ഇതുവരെ തൊഴിൽ ലഭിച്ചു. ഈ ​വ​ർ​ഷം 1,43,000 സ്വ​ദേ​ശി​ക​ൾ ഇതുവരെ ​തൊ​ഴി​ൽ ലഭിക്കാനുള്ള വിവിധ പരിശീലനം പൂർത്തിയാക്കി.

ഉ​ദ്യോ​ഗാ​ർ​ഥി​ക​ൾക്ക് വിവിധ മേഖലകളിൽ പരിശീലനം നൽകാനും,തൊഴിൽ കണ്ടെത്താനുമായി 183 കോ​ടി റി​യാ​ൽ ആണ് ഇതുവരെ സർക്കാർ ചെലവാക്കിയത്. പുതിയ നടപടിയിലൂടെ രാജ്യത്തെ പൗരന്മാർക്കിടയിലെ തൊ​ഴി​ലി​ല്ലാ​യ്മ നി​ര​ക്ക് ഏ​റ്റ​വും താ​ഴ്ന്ന നി​ല​യി​ലേ​ക്ക് എത്തി. 6.3 ശ​ത​മാ​നം ആയി തൊ​ഴി​ലി​ല്ലാ​യ്മ നി​ര​ക്ക് കുറഞ്ഞത് പദ്ധതികളുടെ നേട്ടമാണെന്ന് അധികൃതർ വിലയിരുത്തി.

സൗദി സ്ത്രീകൾക്കിടയിലെ തൊഴിലില്ലായ്മ നിരക്ക് 10.5 ശതമാനമായി കുറഞ്ഞു, കഴിഞ്ഞ വർഷം ഇതേ കാലയളവിനെ അപേക്ഷിച്ച് 3.6 ശതമാനം ആണ് കുറഞ്ഞത്. ഇതുവരെ രേഖപ്പെടുത്തിയതിൽ വച്ച് ഏറ്റവും താഴ്ന്ന നിരക്കാണ് ഇത്.

ജനസംഖ്യ അനുപാതം അനുസരിച്ച് സ്ത്രീകളിൽ 32.5 തൊഴിൽ ചെയ്യുന്നവരായി മാറി. തൊഴിൽ മേഖലകളിൽ സ്ത്രീകളുടെ പങ്ക് വർധിച്ചത് മികച്ച നേട്ടമായി ആണ് വിലയിരുത്തുന്നത്. ‘വി​ഷ​ൻ 2030’ൽ ​എന്ന പദ്ധതിയിലൂടെ സ്വ​ദേ​ശി​വ​ത്​​ക​ര​ണ നടപടികൾ പ്രതീക്ഷിച്ചതിലും വേഗത്തിലാക്കാൻ നടപ്പിലാക്കാൻ കഴിയുന്നുണ്ടെന്നും കണക്കുകൾ പറയുന്നു.