കുതിര പോലും ഈ നായയുടെ ചാട്ടം കണ്ടാല്‍ അമ്പരന്ന് പോകും. പുഴയ്ക്ക് കുറുകെ ഒറ്റച്ചാട്ടത്തിന് നായ മറുകര താണ്ടുന്നതിന്റെ വീഡിയോയാണ് സോഷ്യല്‍മീഡിയയില്‍ അടക്കം വ്യാപകമായി പ്രചരിക്കുന്നത്.

സ്ഥലം എവിടെയാണ് എന്ന് വ്യക്തമല്ല. എന്നാല്‍ ബെല്‍ജിയന്‍ മലിനോയിസ് ഇനത്തില്‍പ്പെട്ട നായയാണ് എന്ന് വീഡിയോ പങ്കുവെച്ച് കൊണ്ടുള്ള ട്വീറ്റില്‍ പറയുന്നുണ്ട്.

ഓടി വരുന്ന നായ പുഴയ്ക്ക് കുറുകെ ചാടുന്നതാണ് വീഡിയോയുടെ ഉള്ളടക്കം. ഒരു പിഴവും കൂടാതെ കൃത്യമായി ലക്ഷ്യസ്ഥാനത്ത് എത്തുന്നതാണ് വീഡിയോയുടെ അവസാനം. വായുവില്‍ പറക്കുന്ന പോലെയാണ് നായയുടെ കുതിച്ചുച്ചാട്ടം കണ്ടാല്‍ തോന്നുക.