Donald Trump എപി
World

ബ്രസീല്‍ ഇന്ത്യയായി; ട്രംപിന് വിനയായി ട്രോള്‍ മഴ

ബ്രസീല്‍ തെരഞ്ഞെടുപ്പിനെ കുറിച്ച് ട്രംപ് കുറിച്ചത് ഇന്ത്യന്‍ തെരഞ്ഞെടുപ്പ് എന്നായതില്‍ ചര്‍ച്ചകള്‍ പുരോഗമിക്കുന്നു

Author : സമകാലിക മലയാളം ഡെസ്ക്
Edited By : സനല്‍ ദേവ്. ബി

വാഷിങ്ങ്ടണ്‍: ബ്രസീലില്‍ നടക്കുന്ന തെരഞ്ഞെടുപ്പ് ഇന്ത്യന്‍ തെരഞ്ഞെടുപ്പാണെന്ന് തെറ്റിദ്ധരിച്ച് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. പ്രമുഖ സോഷ്യല്‍ മീഡിയ പ്ലാറ്റ്‌ഫോമായ ട്രൂത്ത് സോഷ്യലിലെ പോസ്റ്റിലാണ് ട്രംപിന് രാജ്യങ്ങള്‍ തമ്മില്‍ മാറി പോയത്.

ഇന്ത്യയുടെ പ്രസിഡന്റ് തെരഞ്ഞെടുപ്പില്‍ 12.5 കോടി ജനങ്ങളാണ് വോട്ട് ചെയ്തത് എന്നും വോട്ടെടുപ്പ് പൂര്‍ത്തിയായ അതേദിവസം തന്നെ ഫലവും പുറത്തുവരും എന്നുമാണ് ട്രംപ് ട്രൂത്ത് സോഷ്യലില്‍ കുറിച്ചത്. യഥാര്‍ത്ഥത്തില്‍ ബ്രസീലില്‍ നടന്ന ആദ്യഘട്ട പ്രസിഡന്റ് തെരഞ്ഞെടുപ്പിനെ കുറിച്ചാണ് ട്രംപ് പരാമര്‍ശിച്ചത്. അബദ്ധം പിണഞ്ഞത് മനസിലാക്കി പിന്നീട് ബ്രസീലെന്ന് തിരുത്തുകയും ചെയ്തു.

ഇന്ത്യയില്‍ നിലവില്‍ തെരഞ്ഞെടുപ്പൊന്നും നടക്കുന്നില്ല. ഇന്ത്യയില്‍ പ്രസിഡന്റ് തെരഞ്ഞെടുപ്പില്‍ ജനങ്ങള്‍ നേരിട്ട് വോട്ട് ചെയ്യുന്നില്ല. തെരഞ്ഞെടുക്കപ്പെട്ട പ്രതിനിധികളാണ് ഇന്ത്യയുടെ രാഷ്ട്രപതിയെ തെരഞ്ഞെടുക്കുന്നത്.

ബ്രസീലില്‍ നടന്ന ആദ്യഘട്ട തെരഞ്ഞെടുപ്പില്‍ നിലവിലെ പ്രസിഡന്റായ ലൂയീസ് ഇനായോ ലുല ഡിസില്‍വയെ പിന്തള്ളി വലതുപക്ഷ സെനറ്റായ ഫ്‌ളാവിയോ ബോള്‍സോനാരോയാണ് മുന്നിലെത്തിയത്. ഞായറാഴ്ച്ച നടന്ന ആദ്യഘട്ട തെരഞ്ഞെടുപ്പില്‍ ബോള്‍സൊനാരോക്ക് 5.56 കോടിയിലധികം വോട്ടുകള്‍ ലഭിച്ചപ്പോള്‍ ലൂലക്ക് 5.36 കോടി വോട്ടുകള്‍ മാത്രമാണ് ലഭിച്ചത്. രണ്ടാം ഘട്ട വോട്ടെടുപ്പ് ഒക്ടോബര്‍ 25ന് നടക്കും.

Trump spoke about the Brazilian election, mistakenly thinking it was the Indian election

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

ഇന്ത്യന്‍ ക്രിക്കറ്റര്‍ യുസ്‌വേന്ദ്ര ചഹല്‍ ബിജെപിയില്‍!

ഒടുവിൽ ഫുൾഹാം മാഞ്ചസ്റ്റർ സിറ്റിയോട് തോറ്റില്ല!!!

ഫെയ്‌സ് ക്രീം ഉപയോഗത്തെ തുടര്‍ന്ന് വൃക്കരോഗമെന്ന പരാതി: അന്വേഷണം ആരംഭിച്ച് പൊലീസ്

അഭിറാം കൊലക്കേസ്: 17കാരന്റെ ജാമ്യാപേക്ഷ തള്ളി; സ്ഥിരം കുറ്റവാളിക്ക് സമാനമായ മനോനിലയെന്ന് മെഡിക്കല്‍ റിപ്പോര്‍ട്ട്

'നദാല്‍' ഫുട്‌ബോളും 'ഭരിക്കും', റയൽ മാഡ്രിഡിൽ!