കാബുള്: ഹിജാബ് ധരിക്കാതെ പുറത്തിറങ്ങുന്ന സ്ത്രീകള് കാഴ്ചയില് മൃഗങ്ങളെപ്പോലെയാവാന് ശ്രമിക്കുകയാണെന്ന് താലിബാന്. കാണ്ഡഹാറില് തെരുവുകളില് പതിച്ച പോസ്റ്ററുകളിലാണ് താലിബാന് ഈ പരാമര്ശം നടത്തിയത്.
നഗരത്തിലെ കഫേകളിലും ഷോപ്പുകളിലുമെല്ലാം താലിബാന്റെ പൊലീസ് സേന പോസ്റ്ററുകള് പതിച്ചിട്ടുണ്ട്. ഹിജാബ് ധരിക്കാത്ത മുസ്ലിം സ്ത്രീകള് കാഴ്ചയില് മൃഗങ്ങളെപ്പോലെയാവാനാണ് ശ്രമിക്കുന്നതെന്ന് പോസ്റ്ററുകളില് പറയുന്നു. ഇറക്കം കുറഞ്ഞതും ഇറുക്കമുള്ളതും സുതാര്യവുമായ വസ്ത്രങ്ങള് ധരിക്കുന്നത് നിയമ വിരുദ്ധമാണെന്നും പോസ്റ്ററില് പറയുന്നു.
പൊലീസ് പോസ്റ്റര് പതിച്ചതിനെക്കുറിച്ച് താലിബാന് വക്താവ് പ്രതികരിച്ചിട്ടില്ല. എന്നാല് ഇക്കാര്യം അധികൃതര് ഔദ്യോഗികമായി സ്ഥിരീകരിച്ചു. മുഖം മറയ്ക്കാതെ പുറത്തിറങ്ങുന്ന സ്ത്രീകളുടെ വീട്ടില് വിവരം അറിയിക്കുമെന്നും നിയമപ്രകാരം നടപടിയെടുക്കുമെന്നും താലിബാന് അധികൃതര് പറഞ്ഞതായി എഎഫ്പി റിപ്പോര്ട്ട് ചെയ്തു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates