വാഷിങ്ടണ്: ഫെഡറല് ഏവിയേഷന് അഡ്മിനിസ്ട്രേഷന്റെ കമ്പ്യൂട്ടര് സംവിധാനത്തിലുണ്ടായ തകരാർ മൂലം യുഎസിൽ വിമാന സര്വീസുകള് താറുമാറായി. മുഴുവന് വിമാനങ്ങളും നിലത്തിറക്കിയതായാണ് റിപ്പോര്ട്ട്. ബുധനാഴ്ച രാവിലെ ഏഴ് മണിയോടെയാണ് തകരാർ റിപ്പോർട്ട് ചെയ്തത്. ഇതിന് പിന്നാലെ നൂറോളം വിമാന സർവീസ് അടിയന്തരമായി റദ്ദ് ചെയ്തു. 1,160 വിമാനങ്ങൾ വൈകിയാണ് സർവീസ് നടത്തിയത്.
സർവീസ് താറുമാറായതോടെ വിമാനത്താവളത്തിലെ തിരക്കിൽ പെട്ട് യാത്രക്കാരും ദുരിതത്തിലായി. വാര്ത്താ വിനിമയ സംവിധാനത്തിലാണ് തകരാറുണ്ടായതെന്ന് ഫെഡറല് ഏവിയേഷന് അഡ്മിനിസ്ട്രേഷന് അധികൃതര് വെബ്സൈറ്റില് വ്യക്തമാക്കി. പൈലറ്റുമാരും വ്യോമഗതാഗതം സാധ്യമാക്കുന്നതിന് വേണ്ടി പ്രവര്ത്തിക്കുന്നവരും ഉപയോഗിക്കുന്ന നോറ്റാമിൽ (NOTAM) സംവിധാനമാണ് തകരാറിലായതെന്നാണ് വിവരം.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates