തിമിംഗലം എന്നു കേള്‍ക്കുമ്പോള്‍ തന്നെ ചെറിയ ഭയം തോന്നാത്തവര്‍ ചുരുക്കമാണ്. 30 ആനയുടെ വലിപ്പമാണ് നീല തിമിംഗലത്തിന് എന്നെല്ലാമാണ് ചെറിയ ക്ലാസുകളില്‍ പറഞ്ഞ് പഠിച്ചത്. തിമിംഗലം ഇരയെ പിടിക്കുന്ന അപൂര്‍വ്വ വീഡിയോയാണ് ഇപ്പോള്‍ വൈറലായത്.

പര്‍വീണ്‍ കാസ്‌വാന്‍ ഐഎഫ്എസ് ട്വിറ്റര്‍ ഹാന്‍ഡിലില്‍ പങ്കുവെച്ച വീഡിയോയാണ് വിസ്മയം ജനിപ്പിക്കുന്നത്. ഇരയെ പിടിക്കാന്‍ വായ് തുറന്നുവെച്ചിരിക്കുന്ന ഭീമന്‍ തിമിംഗലത്തിന്റെ ദൃശ്യങ്ങളാണ് അമ്പരിപ്പിക്കുന്നത്. വെള്ളത്തിന്റെ ഉപരിതലത്തില്‍ നിന്നുള്ളതാണ് ദൃശ്യങ്ങള്‍.

കുരുക്കാണ് എന്ന് അറിയാതെ മീനുകള്‍ കൂട്ടത്തോടെ തിമിംഗലത്തിന്റെ വായില്‍ വന്നുവീഴുകയാണ്. നിമിഷങ്ങള്‍ക്കകം ആവശ്യത്തിന് തീറ്റയായി എന്ന് തിരിച്ചറിയുന്ന തിമിംഗലം വായടച്ച് കടലിന്റെ അടിയിലേക്ക് ഊളിയിട്ട് അകലുന്നതാണ് വീഡിയോയുടെ അവസാനം. തായ്‌ലന്‍ഡ് കടലിടുക്കില്‍ നിന്നുള്ളതാണ് ദൃശ്യങ്ങള്‍.