അൾജിയേഴ്സ്: അൾജീരിയയിൽ സൈനിക വിമാനം തകർന്നുവീണ് നൂറിലേറെപ്പേർ  മരിച്ചു. ബുധനാഴ്ച രാവിലെ തലസ്ഥാനമായ അൾജിയേഴ്സിന് സമീപത്തെ ബൗഫാറിക് സൈനിക വിമാനത്താവളത്തിൽ വച്ചായിരുന്നു അപകടം. അൾജീരിയയിലെ പടിഞ്ഞാറൻ നഗരമായ ബെച്ചാറിലേക്കു പറന്നുയർന്ന ഉടനെ തകർന്ന് വീഴുകയായിരുന്നെന്നാണ് പ്രാഥമിക നി​ഗമനം.

ഇരുന്നൂറോളം പേർ വിമാനത്തിൽ ഉണ്ടായിരുന്നതായാണ് റിപ്പോർട്ട്. തകർന്ന ഉടൻ വിമാനത്തിന് തീപിടിക്കുകയായിരുന്നു. ക്ഷണനേരം കൊണ്ട് അന്തരീക്ഷത്തലാകെ കറുത്ത പുക മൂടി. രക്ഷാപ്രവർത്തനം നടന്നുവരികയാണ്.