ബെ​യ്ജിം​ഗ്: കാ​ണാ​താ​യ ഇ​ന്‍റ​ർ​പോ​ൾ മേ​ധാ​വി മെം​ഗ് ഹോം​ഗ്വെ​യി ത​ങ്ങ​ളു​ടെ ക​സ്റ്റ​ഡി​യി​ലു​ണ്ടെ​ന്നു സ്ഥി​രീ​ക​രി​ച്ച് ചൈ​ന. നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി​യ​തി​നെ തു​ട​ർ​ന്ന് അ​ഴി​മ​തി വി​രു​ദ്ധ വി​ഭാ​ഗം മെം​ഗി​നെ ചോ​ദ്യം ചെ​യ്യു​ക​യാ​ണെ​ന്ന് ചൈ​ന നാ​ഷ​ണ​ൽ സൂ​പ്പ​ർ വി​ഷ​ൻ ക​മ്മീ​ഷ​ൻ പ​ത്ര​ക്കു​റി​പ്പി​ൽ അ​റി​യി​ച്ചു. എ​ന്നാ​ൽ എ​ന്തു കു​റ്റ​ങ്ങ​ളെ തു​ട​ർ​ന്നാ​ണ് ക​സ്റ്റ​ഡി എ​ന്നു ചൈ​ന വി​ശ​ദീ​ക​രി​ക്കു​ന്നി​ല്ല. 

സ്വദേശമായ ചൈനയിലേക്കുള്ള യാത്രക്കിടെ  ക​ഴി​ഞ്ഞ മാ​സം അ​വ​സാ​നം മെം​ഗ് ഹോം​ഗ്വെ​യി കാണാതാവുകയായിരുന്നു. മെം​ഗി​ന്‍റെ ഭാ​ര്യ വ്യാ​ഴാ​ഴ്ച ഫ്ര​ഞ്ച് പോ​ലീ​സി​നു പ​രാ​തി ന​ല്കി​യ​തോ​ടെ​യാ​ണ് സം​ഭ​വം ലോ​ക​മ​റി​യു​ന്ന​ത്. ചൈ​ന​യി​ലെ പൊ​തു​സു​ര​ക്ഷാ സ​ഹ​മ​ന്ത്രി​യാ​യി​രു​ന്ന മെം​ഗ് 2016 ന​വം​ബ​റി​ലാ​ണ് ഇ​ന്‍റ​ർ​പോ​ൾ മേ​ധാ​വി​യാ​യി തെ​ര​ഞ്ഞെ​ടു​ക്ക​പ്പെ​ട്ട​ത്. 2020 വ​രെ കാ​ലാ​വ​ധി​യു​ണ്ട്. 

കുടുംബത്തോടൊപ്പം  ഇന്റര്‍പോള്‍ ആസ്ഥാനം സ്ഥിതി ചെയ്യുന്ന ഫ്രാന്‍സിലെ ലിയോണിലായിരുന്നു ഇദ്ദേഹം താമസിച്ചിരുന്നത്. ചൈനയിലേക്ക് പുറപ്പെട്ട സെപ്റ്റംബര്‍ 29ന് ശേഷം ഇദ്ദേഹത്തെക്കുറിച്ച് വിവരമൊന്നും ലഭിച്ചിട്ടില്ല. കുടുംബത്തിനും ഇദ്ദേഹവുമായി ബന്ധപ്പെടാന്‍ സാധിച്ചിട്ടില്ല.