റിയാദ്: കൊറോണ വൈറസ് പടരുന്ന സാഹചര്യത്തില്‍ ഉംറ തീര്‍ത്ഥാടനം പൂര്‍ണമായും നിരോധിച്ച് സൗദി അറേബ്യ. നേരത്തെ, വിദേശികള്‍ക്ക് മാത്രമാണ് മക്ക, മദീന സന്ദര്‍ശനം നടത്താന്‍ വിലക്കുണ്ടായിരുന്നത്. സ്ഥിഗിതകളില്‍ മാറ്റം വന്നാല്‍ വിലക്ക് നീക്കുമെന്ന് സൗദി  ഔദ്യോഗിക വാര്‍ത്താ ഏജന്‍സി എസ്പിഎ വ്യക്തമാക്കി.

വൈറസിനെ പ്രതിരോധിക്കാന്‍ എല്ലാ വിമാനത്താവളങ്ങളിലും കര്‍ശന പരിശോധന നടത്താന്‍ സൗദി ഏവിയേഷന്‍ അതോറിറ്റി നിര്‍ദേശം നല്‍കി. തിങ്കളാഴ്ച സ്ഥിരീകരിച്ച ഒരു വൈറസ് ബാധയല്ലാതെ രാജ്യത്ത് മറ്റ് കേസുകള്‍ റിപ്പോര്‍ട്ട് ചെയ്തിട്ടില്ലെന്ന് ആരോഗ്യമന്ത്രാലയ വക്താവ് ഡോ. മുഹമ്മദ് അല്‍ അബ്ദുല്‍ അലി അറിയിച്ചു.