ബീജിങ്: നഗരത്തിലെ തിരക്കേറിയ റോഡരുകിലെ കൂറ്റന്‍ പരസ്യബോര്‍ഡില്‍ അശ്ലീല വീഡിയോ പ്രദര്‍ശിപ്പിച്ചു. ചൈനയിലെ ലിയങ് നഗരത്തിലെ ജിയങ്‌സു നഗരത്തിലാണ് സംഭവം. ഒന്നര മണിക്കൂറോളമാണ് വീഡിയോ പ്രദര്‍ശിപ്പിച്ചത്. ഇതു കണ്ട് ഞെട്ടിയ യാത്രക്കാര്‍ പരസ്യബോര്‍ഡിന് ചുറ്റും തടിച്ചുകൂടുകയും ചെയ്തു.
പരസ്യ ബോര്‍ഡ് പ്രവര്‍ത്തിപ്പിക്കുന്ന ജീവനക്കാരന്‍ പരസ്യ സ്‌ക്രീന്‍ ഓഫ് ചെയ്തു എന്ന ധാരണയില്‍ ഓഫീസ് കമ്പ്യൂട്ടറില്‍ അശ്ലീല ദൃശ്യങ്ങള്‍ കണ്ടതാണ് കാരണം. എന്നാല്‍ സ്‌ക്രീന്‍ ഓഫ് ആകാതിരുന്നതോടെ, അയാള്‍ ആസ്വദിച്ചിരുന്ന ദൃശ്യങ്ങളെല്ലാം 90 മിനുട്ട് നേരം നാട്ടുകാരെല്ലാം കണ്ടു.
ദൃശ്യങ്ങള്‍ സ്‌ക്രീനില്‍ തെളിഞ്ഞതോടെ അമ്പരന്ന യാത്രക്കാര്‍, സ്‌ക്രീനിന് മുന്നില്‍ തടിച്ചുകൂടുകയും ഇതിന്റെ ഫോട്ടോകളും വീഡിയോകളും എടുക്കുകയും ചെയ്തു. ഇവ ഇപ്പോള്‍ ചൈനയിലെ സാമൂഹ്യ മാധ്യമങ്ങളില്‍ വൈറലാണ്.
പിന്നീട് സംഭവം അറിഞ്ഞ മറ്റു ജീവനക്കാര്‍ ഇടപെട്ട് സ്‌ക്രീന്‍ ഓഫ് ചെയ്യുകയായിരുന്നു. സംഭവത്തില്‍ പ്രദേശത്തെ പൊലീസ് അധികൃതര്‍ അന്വേഷണം ആരംഭിച്ചു. കഴിഞ്ഞവര്‍ഷം ഡല്‍ഹിയിലെ തിരക്കേറിയ മെട്രോ സ്‌റ്റേഷനിലെ പൊതു സ്‌ക്രീനില്‍ ഇത്തരത്തില്‍ അശ്ലീല ദൃശ്യങ്ങള്‍ പ്രദര്‍ശിച്ചത് വിവാദമായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates