ക്വറ്റ: പാകിസ്ഥാനില്‍ പൊലീസ് സ്റ്റേഷനില്‍ കാര്‍ ബോംബ് സ്‌ഫോടനം.പത്തുപേര്‍ മരിക്കുകയും പതിനെട്ടു പേര്‍ക്ക് പരിക്കേല്‍ക്കുകയും ചെയ്തു. മരണസംഖ്യ ഉയരാന്‍ സാധ്യത. ദക്ഷിണ പടിഞ്ഞാറന്‍ കശ്മീരിലെ ക്വറ്റയിലെ പൊലീസ് സ്റ്റേഷനിലാണ് സ്‌ഫോടനം നടന്നത്.

കഴിഞ്ഞ ദിവസം പാകിസ്ഥാനിലെ പെഷവാറില്‍ സ്‌ഫോടനം നടന്നിരുന്നു. ബലൂചിസ്ഥാന്‍ പൊലീസ് മേധാവിയുടെ ഓഫീസ് ലക്ഷ്യമിട്ടാണ് ഇന്ന് രാവിലെ സ്‌ഫോടനം നടന്നത് എന്ന് പാകിസ്ഥാന്‍ മാധ്യമങ്ങള്‍ റിപ്പോര്‍ട്ട് ചെയ്യുന്നു. 

മരിച്ചവരില്‍ അഞ്ചുപേര്‍ പൊലീസ് ഉദ്യോഗസ്ഥരാണ്. പരിക്കേറ്റവരില്‍ അഞ്ചുപേരുടെ നില അതീവ ഗുരുതരമാണ്.