പോണ്‍ വെബ്‌സൈറ്റുകള്‍ സന്ദര്‍ശിക്കുവാന്‍ ബ്രിട്ടനില്‍ ഇനി തിരിച്ചറിയല്‍ രേഖ നല്‍കണം. പോണ്‍ വീഡിയോകള്‍ കാണുന്നതില്‍ നിയന്ത്രണം കൊണ്ടുവരുവാനാണ് തിരിച്ചറിയല്‍ രേഖ നല്‍കണം എന്ന നിബന്ധന വരുന്നത്.
പോണ്‍ ഹബ്ബ്, യൂപോണ്‍ പോലുള്ള വെബ്‌സൈറ്റുകളില്‍ കയറണം എങ്കില്‍ തിരിച്ചറിയല്‍ രേഖ നല്‍കണം. ഡ്രൈവിങ് ലൈസന്‍സ്, പാസ്‌പോര്‍ട്ട് എന്നിവ തിരിച്ചറിയല്‍ രേഖയായി നല്‍കാം. ഏപ്രില്‍ ഒന്നുമുതലാണ് പുതിയ നിയമം പ്രാബല്യത്തില്‍ വരുന്നത് എന്നാണ് സൂചന.
ഈ നിയമം വരുന്നതോടെ പോണ്‍ വെബ്‌സൈറ്റുകളില്‍ കയറുമ്പോള്‍ പ്രായം തെളിയിക്കാനുള്ള നിര്‍ദേശം അടങ്ങുന്ന പേജാണ് ആദ്യം തുറന്നു വരിക. ഇതില്‍ പ്രായം സംബന്ധിച്ച കൃത്യമായ രേഖകള്‍ നല്‍കിയാല്‍ മാത്രമേ സൈറ്റിലേക്ക് പ്രവേശിക്കുവാന്‍ സാധിക്കുകയുള്ളു. എയ്ജ് ഐഡി സംവിധാനമാണ് ഇതിനായി ഉപയോഗിക്കുന്നത്.
എയ്ജ് ഐഡി സംവിധാനത്തിലൂടെ യൂസര്‍നെയിമും, പാസ് വേര്‍ഡും ലഭിക്കുന്നു. ഇത് ഉപയോഗിച്ച് ഏത് പോണ്‍ സൈറ്റും സന്ദര്‍ശിക്കാം. എയ്ജ് ഐഡി അല്ലാതെ പ്രായം തെളിയിക്കുവാന്‍ മറ്റ് സംവിധാനങ്ങളും വെബ്‌സൈറ്റുകള്‍ ഉപയോഗിക്കും. 18 വയസിന് താഴെ ഉള്ളവരില്‍ നിന്നും അശ്ലീല ഉള്ളടക്കങ്ങള്‍ അകറ്റി നിര്‍ത്തുവാനാണ് പുതിയ നീക്കം. 2017ലെ ഡിജിറ്റല്‍ എക്കണോമി ആക്ടിന്റെ ഭാഗമായിട്ടാണ് ഇത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates