തിരക്കുള്ള സ്ഥലങ്ങളിലൂടെയും ആളൊഴിഞ്ഞ വഴിയിലൂടെയുമെല്ലാം നടന്നു പോകുമ്പോള്‍ നിങ്ങളുടെ കയ്യിലെ പഴ്‌സോ, ആഭരണങ്ങളോ എപ്പോള്‍ വേണമെങ്കിലും പിടിച്ചു പറിക്കപ്പെടാം. എത്ര ശ്രദ്ധിച്ചാലും അതിനുമപ്പുറമുള്ള വിരുതന്‍മാരായിരിക്കും നമുക്കടുത്തെത്തുന്ന മോഷ്ടാക്കാള്‍. നമ്മള്‍ റോഡിലൂടെ നടന്നുപോകുമ്പോള്‍ എത്രത്തോളും ശ്രദ്ധാലുക്കളായിക്കണം എന്ന് കാണിക്കുന്നതാണീ വീഡിയോ. 

പാകിസ്ഥാനിലെ റാവല്‍പിണ്ഡിയിലാണ് സംഭവം. രണ്ട് പെണ്‍കുട്ടികള്‍ റോഡിലൂടെ നടന്നു പോകുമ്പോള്‍ മോട്ടോള്‍ സൈക്കിളിലെത്തിയ രണ്ട് പേരാല്‍ ആക്രമിക്കപ്പെടുകയായിരുന്നു. ബൈക്കിന് പിറകിലുരുന്നയാള്‍ പെണ്‍കുട്ടിയുടെ കയ്യില്‍ നിന്ന് പഴ്‌സ് തട്ടിപ്പറഞ്ഞ് കടന്ന് കളയാന്‍ ശ്രമിച്ചപ്പോഴാണ് പൊടുന്നനെ പിറകിലൂടെ ഓടിച്ചെന്ന് ഇവരെ ആക്രമിച്ചത്.

പെണ്‍കുട്ടിയുടെ ഭാഗത്തു നിന്നുണ്ടായ അപ്രതീക്ഷിത പെരുമാറ്റത്തില്‍ വാഹനം മറിഞ്ഞ് ഇരു യുവാക്കളും താഴെ വീണു. ഇവരെ വണ്ടിയെടുത്ത് പോകാനനുവദിക്കാതെ പെണ്‍കുട്ടി പിടിച്ച് തള്ളുകയും അടിക്കുകയും ചെയ്തുകൊണ്ടേയിരുന്നു. ഇതെല്ലാം നോക്കിക്കണ്ട് പ്രതികരിക്കാതെ ഒരാള്‍ സമീപത്ത് നില്‍ക്കുന്നുണ്ടായിരുന്നു. ശേഷം ബൈക്കിലെത്തിയ രണ്ട് പേരാണ് വണ്ടി നിര്‍ത്തി സംഭവത്തില്‍ ഇടപെട്ടത്. സംഭവത്തിന്റെ സിസിടിവി ദൃശ്യങ്ങള്‍ ഇപ്പോള്‍ സമൂഹമാധ്യമങ്ങളില്‍ വയറലായിക്കൊണ്ടിരിക്കുകയാണ്.