ലണ്ടന്‍: ഡൊമിനോസ് പിസ ഗ്രൂപ്പിലെ ഉന്നത ഉദ്യോഗസ്ഥന് സ്‌നോര്‍ക്കെല്ലിംഗിനിടെ ദാരുണാന്ത്യം. ചീഫ് ഫിനാന്‍ഷ്യല്‍ ഓഫീസറായ ബോയന്‍ ഫീന്‍ഡാണ് മരിച്ചത്. വെള്ളിയാഴ്ചയായിരുന്നു സംഭവം. 

മൗറിഷ്യസില്‍ കുടുംബവുമൊത്ത് അവധി ആഘോഷിക്കവെയാണ് സംഭവം. അപകടം സംഭവിച്ചത് എങ്ങനെയെന്ന് ഡൊമിനോസ് വ്യക്തമാക്കിയില്ല. കടലിനടിയില്‍ മാസ്‌ക് ഉപയോഗിച്ച് നീന്തുന്ന വിനോദമാണ് സ്‌നോര്‍ക്കെല്ലിംഗ്. ജലാശയത്തിനടിയിലെ കാഴ്ച കാണാന്‍ ആഗ്രഹിക്കുന്നവരെ സ്‌നോര്‍ക്കെലിംഗ് സഹായിക്കുന്നു. 

ഡൊമിനോസ് പിസ പ്രസ്താവനയിലൂടെയാണ് തങ്ങളുടെ ഉന്നത ഉദ്യോഗസ്ഥന്റെ മരണവിവരം ലോകത്തെ അറിയിച്ചത്. കഴിഞ്ഞ വര്‍ഷം ഒക്ടോബറിലാണ് ബോയന്‍ഫീന്‍ഡ് ഡൊമിനോസ് പിസ ഗ്രൂപ്പ് സിഎഫ്ഒ ആയി ചുമതലയേറ്റത്.