റിയാദ്‌: കൊറോണ വൈറസ് വ്യാപനത്തിന്റെ പശ്ചാത്തലത്തിൽ സൗദി ആറേബ്യ പൊതു​ഗതാ​ഗത സംവിധാനങ്ങള്‍ പൂർണമായും നിരോധിക്കുന്നു. നാളെ മുതലാണ് നിരോധനം. രണ്ടാഴ്ചത്തേക്കാണ് പൊതു​ഗതാ​ഗതം നിർത്തുന്നത്. 

ആഭ്യന്തര വിമാന സര്‍വീസുകള്‍, ബസുകള്‍, ട്രെയിന്‍, ടാക്സികള്‍ എന്നിവ സര്‍വീസ് നടത്തില്ല. അവശ്യ സര്‍വീസ് ജീവനക്കാര്‍ കൊണ്ടുപോകുന്ന വാഹനങ്ങള്‍ക്ക് സര്‍വീസ് നടത്താം.

ആളുകള്‍ പുറത്തിറങ്ങുന്നത് പരമാവധി ഒഴിവാക്കണമെന്ന് സൗദി  സര്‍ക്കാര്‍ നിര്‍ദേശം നല്‍കി. അന്താരാഷ്ട്ര വിമാന സര്‍വീസുകള്‍ സൗദി അറേബ്യാ നേരത്തെ തന്നെ നിര്‍ത്തി വച്ചിട്ടുണ്ട്.
 
സൗദിയില്‍ ഇതുവരെ 274 പേര്‍ക്കാണ് കൊറോണ വൈറസ് ബാധ സ്ഥിരികീരിച്ചിട്ടുള്ളത്. ഒരു മരണവും റിപ്പോര്‍ട്ട് ചെയ്തിട്ടില്ല.