ചെന്നൈ: ചെസ്സ് ഒളിംപ്യാഡിന് വേദിയാവാൻ മഹാബലിപുരം ഒരുങ്ങി കഴിഞ്ഞു. ഇവിടെ ലോകോത്തര ചെസ്സ് താരങ്ങളുടെ ഏറ്റുമുട്ടലിന് സാക്ഷിയാവാൻ ഉയർന്ന ടിക്കറ്റ് നിരക്ക് പലർക്കും പ്രതികൂല ഘടകമായി. 

ഹാൾ രണ്ടിലെ ടിക്കറ്റിന് ഒരു ദിവസത്തേക്ക് 2000 രൂപയാണ് വില. ഹാൾ ഒന്നിലേതിന് 3000 രൂപയും. വിദേശികൾക്ക് ഒരു ദിവസത്തേക്ക് ഹാൾ ഒന്നിലെ ടിക്കറ്റിന് 8000 രൂപയും ഹാൾ രണ്ടിലേതിന് 6000 രൂപയും.  19 വയസിൽ താഴെയുള്ള വിദ്യാർഥികൾക്കും സ്ത്രീകൾക്കും തമിഴ്നാട് സർക്കാർ ഉദ്യോഗസ്ഥർക്കും 200 രൂപയും 300 രൂപയുമാണ് ടിക്കറ്റ് നിരക്ക്. 

രണ്ട് ഹാളിലാണ് മത്സരങ്ങൾ. ഹാൾ ഒന്നിലാണ് ടോപ് റാങ്കിങ് ടീമുകൾ. എന്നാൽ ഇത്രയും തുക നൽകി ടിക്കറ്റ് എടുക്കുന്നതിനേക്കാൾ ഓണ്‍ഓൺലൈനിലൂടെ കളിക്കാരുടെ നീക്കങ്ങൾ അറിയുകയാണ് കൂടുതൽ നല്ലത് എന്ന അഭിപ്രായവും ശക്തമാണ്.