പാരിസ്: സീസണില് ഇതുവരെ തോല്വി അറിയാതെയാണ് പിഎസ്ജിയുടെ കുതിപ്പ്. ഇന്ന് ലീഗ് വണ്ണില് ട്രോയസിന് എതിരേയും പിഎസ്ജി ജയിച്ചുകയറിയാല് മെസിയും ഒരു വമ്പന് നേട്ടത്തിലേക്ക് എത്തും. 32 മത്സരങ്ങളില് തോല്വി അറിയാതെ കുതിപ്പ് എന്ന റെക്കോര്ഡ് ആണ് ഇന്ന് പിഎസ്ജി ജയിച്ചാല് മെസിയുടെ പേരിലേക്ക് എത്തുക.
മെസിയുടെ കരിയറിലെ ഏറ്റവും കൂടുതല് നീണ്ടുനിന്ന അപരാജിത കുതിപ്പാവും ഇത്. അര്ജന്റീനയ്ക്കും പിഎസ്ജിക്കുമായി കളിച്ച മത്സരങ്ങള് തുടരെ 31ലും മെസി തോല്വി അറിഞ്ഞിട്ടില്ല. തന്റെ ടീമുകള് തോല്വി അറിയാതെ കുതിക്കുന്നതിനൊപ്പം മിന്നും ഫോമിലാണ് മെസിയും.
ചാമ്പ്യന്സ് ലീഗില് ഈ സീസണില് 4 കളിയില് നിന്ന് മെസി 4 ഗോളുകള് നേടി. ലീഗ് വണ്ണില് 11 മത്സരങ്ങള് പിന്നിടുമ്പോള് 6 ഗോളും 9 അസിസ്റ്റുമായി മെസി മുന്പിലുണ്ട്. അര്ജന്റീനയ്ക്ക് വേണ്ടി കളിച്ച കഴിഞ്ഞ രണ്ട് സൗഹൃദ മത്സരങ്ങളില് നിന്ന് രണ്ട് ഗോളുകളും മെസി നേടി.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates