ഹരാരെ: സിംബാബ്‌വെ ബാറ്റിങ് കോച്ച് ലാന്‍സ് ക്ലൂസ്‌നര്‍ രാജിവെച്ചു. ട്വന്റി20 ലോകകപ്പ് മുന്‍പില്‍ നില്‍ക്കെയുള്ള ക്ലൂസ്‌നറിന്റെ രാജി സിംബാബ്‌വെ ടീമിന് കനത്ത തിരിച്ചടിയാവും.
സിംബാബ്‌വെ ദേശിയ ടീമിനൊപ്പം കൂടുതല്‍ സമയം നില്‍ക്കേണ്ടി വരുന്നതിനാല്‍ ലോകത്തിന്റെ പല ഭാഗങ്ങളിലായി മറ്റ് ചുമതലകള്‍ ഏറ്റെടുക്കാന്‍ സാധിക്കുന്നില്ല എന്ന കാരണം ചൂണ്ടിയാണ് ക്ലൂസ്‌നറിന്റെ പിന്മാറ്റം. ട്വന്റി20 ലോകകപ്പിലേക്ക് സിംബാബ്‌വെ ടീമിന് യോഗ്യത നേടുന്നതിലേക്ക് നയിച്ചതിനുള്‍പ്പെടെ ക്ലൂസ്‌നറിന് നന്ദി പറയുന്നതായി സിംബാബ്‌വെ ക്രിക്കറ്റ് അറിയിച്ചു.
2016 മുതല്‍ 2018 വരെയാണ് ക്ലൂസ്‌നര്‍ ആദ്യ സിംബാബ്‌വെ ടീമിന്റെ ബാറ്റിങ് പരിശീലകനാവുന്നത്. പിന്നാലെ ഈ വര്‍ഷം മാര്‍ച്ചിലും അദ്ദേഹം ടീമിനൊപ്പം ചേര്‍ന്നു. ട്വന്റി20 ലോകകപ്പില്‍ ഗ്രൂപ്പ് ബിയിലാണ് സിംബാബ് വെ. അയര്‍ലന്‍ഡ്, വെസ്റ്റ് ഇന്‍ഡീസ്, സ്‌കോട്ട്‌ലന്‍ഡ് എന്നിവരാണ് ഗ്രൂപ്പ് ബിയിലുള്ളത്. അയര്‍ലന്‍ഡിന് എതിരെ ഒക്ടോബര്‍ 17നാണ് സിംബാബ്‌വെയുടെ ആദ്യ മത്സരം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates