ഗബ്ബ: ട്വന്റി20 ലോകകപ്പിനായി ഓസ്‌ട്രേലിയയില്‍ എത്തിയ ഇന്ത്യന്‍ ടീമിന് താമസം ഒരുക്കിയത് 4 സ്റ്റാര്‍ ഹോട്ടലില്‍ എന്ന് ആരോപണം. ആതിഥേയരായ ഓസ്‌ട്രേലിയക്ക് ഫൈവ് സ്റ്റാര്‍ ഹോട്ടലിലാണ് താമസ സൗകര്യം എന്നും റിപ്പോര്‍ട്ടുകള്‍ വന്നതോടെ വിമര്‍ശനം ശക്തമാവുന്നു. 

ട്വന്റി20 ലോകകപ്പിലെ സന്നാഹ മത്സരത്തിനായി ഗബ്ബയിലെത്തിയതാണ് ഇരു ടീമും. റിഡ്ജസ് ഫോര്‍റ്റിറ്റിയൂഡ് വാലി എന്ന ഹോട്ടലിലാണ് ഇന്ത്യന്‍ ടീം തങ്ങുന്നത്. ഐസിസിയാണ് ടീമുകളുടെ താമസ സൗകര്യം കൈകാര്യം ചെയ്യുന്നത്. പ്രാദേശിക ക്രിക്കറ്റ് ബോര്‍ഡുമായി ചേര്‍ന്നാണ് ഇത്. 

എന്നാല്‍ ആതിഥേയരായ ടീമിന് കൂടുതല്‍ സൗകര്യം നല്‍കുന്ന പ്രവണത ഇതിന് മുന്‍പ് ഉണ്ടായിട്ടില്ലെന്ന വിമര്‍ശനം ആണ് ഉയരുന്നത്. പാകിസ്ഥാന്‍ ടീം തങ്ങുന്നത് ഓസ്‌ട്രേലിയന്‍ ടീം താമസിക്കുന്ന ഹോട്ടലില്‍ തന്നെയാണ്. 

കളിയിലേക്ക് വരുമ്പോള്‍ സന്നാഹ മത്സരത്തില്‍ ടോസ് നേടിയ ഓസ്‌ട്രേലിയ ഇന്ത്യയെ ബാറ്റിങ്ങിന് അയച്ചു. കെ എല്‍ രാഹുലിന്റെ വെടിക്കെട്ട് ബാറ്റിങ് ഇന്ത്യക്ക് മികച്ച തുടക്കമാണ് നല്‍കിയത്. പരിശീലന മത്സരത്തില്‍ ബാറ്റ് ചെയ്യാതിരുന്ന വിരാട് കോഹ് ലി പ്ലേയിങ് ഇലവനിലേക്ക് തിരികെ എത്തിയിട്ടുണ്ട്. 

ഈ വാർത്ത കൂടി വായിക്കൂ

"തെക്കും വടക്കും ഒന്നാണ്"; ചിത്രം പങ്കുവെച്ച് ആര്യാ രാജേന്ദ്രൻ 

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ