കാബൂള്‍: അഫ്ഗാനിസ്ഥാന്‍ ക്രിക്കറ്റ് താരം ഹസ്‌റത്തുല്ല സസായിയുടെ മകള്‍ മരിച്ചു. 2 വയസുകാരിയുടെ മരണം സംബന്ധിച്ചു മറ്റ് വിവരങ്ങള്‍ പുറത്തു വന്നിട്ടില്ല. സഹ താരം കരിം ജാനറ്റാണ് ദുഃഖ വാര്‍ത്ത പുറത്തു വിട്ടത്. ക്രിക്കറ്റ് ലോകം മുഴുവന്‍ താരത്തിനു പിന്തുണയുമായി രംഗത്തെത്തി. ഈ വിഷമ ഘട്ടത്തെ അതിജീവിക്കാന്‍ താരത്തിനും കുടുംബത്തിനു സാധിക്കട്ടെയെന്നു സഹ താരങ്ങളടക്കം അയച്ച സന്ദേശത്തില്‍ വ്യക്തമാക്കി.

'എന്റെ അടുത്ത സുഹൃത്തും സഹോദരനുമായ ഹസ്‌റത്തുല്ല സസായിക്ക് മകളെ നഷ്ടപ്പെട്ട വാര്‍ത്ത നിങ്ങളുമായി പങ്കുവെക്കുന്നതില്‍ എനിക്ക് അതിയായ ദുഃഖമുണ്ട്. ഈ ദുഷ്‌കരമായ സമയത്ത് അദ്ദേഹത്തിനും കുടുംബത്തിനും ഒപ്പമുണ്ട്. വലിയ നഷ്ടത്തിലൂടെ അവര്‍ കടന്നുപോകുമ്പോള്‍ ദയവായി അവരെ നിങ്ങളുടെ പ്രാര്‍ത്ഥനകളില്‍ ഉള്‍പ്പെടുത്തുക. ഹസ്‌റത്തുല്ല സസായിക്കും കുടുംബത്തിനും എന്റെ അഗാധമായ അനുശോചനം അറിയിക്കുന്നു'- കരിം ജാനറ്റ് കുറിച്ചു.

'ഗംഭീറുമായി ചില തന്ത്രങ്ങള്‍ ചര്‍ച്ച ചെയ്തു'- കെകെആർ മെന്റര്‍ ബ്രാവോ

ഇക്കഴിഞ്ഞ ചാംപ്യന്‍സ് ട്രോഫി പോരാട്ടത്തില്‍ താരം അഫ്ഗാന്‍ ടീമില്‍ കളിച്ചിരുന്നില്ല. 2016ലാണ് താരം അഫ്ഗാനായി അരങ്ങേറിയത്. ടീമിനായി 16 ഏകദിനങ്ങളും 45 ടി20 മത്സരങ്ങളും കളിച്ചു. അഫ്ഗാനായി ടി20യില്‍ ഏറ്റവും ഉയര്‍ന്ന രണ്ടാമത്തെ വ്യക്തിഗത സ്‌കോര്‍ നേടിയ താരമാണ് അസ്‌റത്തുല്ല. അയര്‍ലന്‍ഡിനെതിരെ താരം 62 പന്തില്‍ 162 റണ്‍സെടുത്തിരുന്നു. ഈ വര്‍ഷം ഇതുവരെയായി 26കാരന്‍ അഫ്ഗാനായി കളിച്ചിട്ടില്ല.