അഹമ്മദാബാദ്: എംഎസ് ധോനിയായാണ് ഗായകന് അര്ജിത് സിങ്ങിന്റെ ഏറ്റവും പ്രിയങ്കരനായ ക്രിക്കറ്റര്. വെള്ളിയാഴ്ച ഇന്ത്യന് പ്രീമിയര് ക്രിക്കറ്റിന്റെ ഉദ്ഘാടനച്ചടങ്ങിനിടെ പരസ്പരം കണ്ടുമുട്ടിയപ്പോള് ഇരുവരുടെയും ജീവിതത്തിലെ ഹൃദയ്സ്പര്ശിയായ നിമിഷമായി അതുമാറി. തന്റെ ആരാധാനാപാത്രമായ എംഎസ് ധോനിയുടെ കാല്തൊട്ട് വന്ദിക്കുന്ന അര്ജിതിന്റെ ചിത്രം സാമൂഹികമാധ്യമങ്ങളില് വ്യാപകമായി പ്രചരിച്ചു.
വര്ണാഭമായ പരിപാടികളോടെയായിരുന്നു ഐപിഎല് പുതിയ സീസണിന്റെ ഉദ്ഘാടനച്ചടങ്ങുകള്. ഗായകന് അര്ജിത് സിങ് തന്റെ വിവിധ ഗാനങ്ങളിലൂടെ ഗാലറിയെ കൈയിലെടുത്തപ്പോള് ചലച്ചിത്ര താരങ്ങളായ രശ്മിക മന്ഥാന, തമന്ന ഭാട്യ എന്നിവര് നൃത്തവുമായി ആരാധകരെ ത്രസിപ്പിച്ചു.
ആദ്യമത്സരത്തില് നിലവിലെ ചാമ്പ്യന്മാരായ ഗുജറാത്ത് ടൈറ്റന്സ് ചെന്നൈ സൂപ്പര് കിങ്സിനെ പരാജയപ്പെടുത്തി. മത്സരത്തില് ഗുജറാത്ത് താരം ശുഭ്മാന് ഗില്ലും ചെന്നൈ ഓപ്പണര് ഋതുരാജ് ഗെയ്ക്വാദും അര്ധ സെഞ്ച്വറി നേടി. ടോസ് നേടി ബാറ്റിങ് തെരഞ്ഞെടുത്ത സിഎസ്കെ നിശ്ചിത ഓവറില് ഏഴ് വിക്കറ്റ് നഷ്ടത്തില് 178 റണ്സ് കണ്ടെത്തി. 19.2 ഓവറില് നാല് പന്തുകള് ബാക്കിനില്ക്കേ ഗുജറാത്ത് വിജയലക്ഷ്യം മറികടന്നു.
ആറ് ഫോറിന്റെയും മൂന്ന് സിക്സിന്റെയും സഹായത്തോടെ 36 പന്തുകളില് നിന്ന് 63 റണ്സാണ് ശുഭ്മാന് അടിച്ചെടുത്തത്. ഓപ്പണര് സാഹ 25 റണ്സ് നേടി. 27 റണ്സെടുത്ത വിജയ് ശങ്കറും തിളങ്ങി. രാഹുല് തെവാത്തിയയും റാഷിദ് ഖാനും ചേര്ന്നാണ് അവസാന ഓവറുകളില് ടൈറ്റന്സിനെ വിജയത്തിലെത്തിച്ചത്.
ആദ്യം ബാറ്റ് ചെയ്ത ചെന്നൈക്ക് 92 റണ്സടിച്ചുകൂട്ടിയ ഓപ്പണര് റുതുരാജ് ഗെയ്ക്വാദിന്റെ തകര്പ്പന് പ്രകടനമാണ് മികച്ച സ്കോര് സമ്മാനിച്ചത്. 50 പന്തില് നിന്ന് 4 ഫോറും ഒന്പത് സിക്സുമടങ്ങുന്നതായിരുന്നു താരത്തിന്റെ ബാറ്റിങ്. മോയീന് അലി 23, അമ്പാട്ടി റായ്ഡു 12, ശിവം ദുബെ 19 എന്നിങ്ങനെയാണ് മറ്റ് താരങ്ങളുടെ പ്രകടനം. ധോനി ഏഴ് പന്തില് നിന്ന് പുറത്താകാതെ 14 റണ്സ് നേടി. ബൗളിങ്ങില് നിറം മങ്ങിയതാണ് ചെന്നൈക്ക് തിരിച്ചടിയായത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates