ടോക്യോ: 14ാം വട്ടവും പോള് വാള്ട്ടിലെ സ്വന്തം ലോക റെക്കോര്ഡ് തിരുത്തി സ്വീഡന്റെ അര്മാന്ഡ് ഡുപ്ലാന്റിസ്. ലോക ചാംപ്യന്ഷിപ്പിലാണ് താരത്തിന്റെ പുത്തന് റെക്കോര്ഡ് തിരുത്തല് പ്രകടനം. ലോക ചാംപ്യന്ഷിപ്പില് പോള് വാള്ട്ടില് ഹാട്രിക്ക് സ്വര്ണമെന്ന നേട്ടത്തിലും താരമെത്തി.
6.30 മീറ്റര് താണ്ടിയാണ് ഇത്തവണ താരം ലോക റെക്കോര്ഡ് തിരുത്തി സ്വര്ണം സ്വന്തമാക്കിയത്. കഴിഞ്ഞ മാസം ബുഡാപെസ്റ്റില് നടന്ന പോരാട്ടത്തില് താരം 6.29 മീറ്റര് താണ്ടി 13ാം വട്ടം റെക്കോര്ഡ് തിരുത്തിയിരുന്നു. ഒരു മാസം പിന്നിടുമ്പോഴാണ് 14ാം തവണയും റെക്കോര്ഡ് തിരുത്തിയുള്ള പറക്കല്.
2020ല് 16.17 മീറ്റര് താണ്ടിയാണ് താരം ആദ്യമായി ലോക റെക്കോര്ഡ് സ്വന്തമാക്കുന്നത്. അതേവര്ഷം 16.18 ആക്കി റെക്കോര്ഡ് പുതുക്കി. പിന്നീട് 2022ല് മൂന്ന് തവണയും 23ല് രണ്ട് തവണയും 24ല് മൂന്ന് തവണയും താരം റെക്കോര്ഡ് തിരുത്തി. ഈ വര്ഷം ഇത് നാലാം തവണയാണ് താരം റെക്കോര്ഡ് പുതുക്കുന്നത്.
ഡുപ്ലാന്റിസിന്റെ റെക്കോര്ഡ് തിരുത്തല് പ്രകടനങ്ങള് ഇതുവരെ
2020: 6.17 മീറ്റര്
2020: 6.18 മീറ്റര്
2022: 6.19 മീറ്റര്
2022: 6.20 മീറ്റര്
2022: 6.21 മീറ്റര്
2023: 6.22 മീറ്റര്
2023: 6.23 മീറ്റര്
2024: 6.24 മീറ്റര്
2024: 6.25 മീറ്റര്
2024: 6.26 മീറ്റര്
2025: 6.27 മീറ്റര്
2025: 6.28 മീറ്റര്
2025: 6.29 മീറ്റര്
2025: 6.30 മീറ്റര്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates