ന്യൂഡല്ഹി: ഡല്ഹി ക്രിക്കറ്റ് ടെസ്റ്റില് ഓസ്ട്രേലിയ ഒന്നാമിന്നിംഗ്സില് 263 റണ്സിന് പുറത്തായി. അര്ധ സെഞ്ച്വറി നേടിയ ഉസ്മാന് ഖവാജയും പിറ്റര് ഹാന്സ്കോംബുമാണ് ഓസീസിന് മെച്ചപ്പെട്ട സ്കോര് സമ്മാനിച്ചത്. ഖവാജ 81 റണ്സെടുത്ത് പുറത്തായപ്പോള്, പീറ്റര് ഹാന്ഡ്കോംബ് 72 റണ്സെടുത്ത് പുറത്താകാതെ നിന്നു.
വാലറ്റത്ത് നായകന് പാറ്റ് കമ്മിന്സ് ഹാന്ഡ്കോംബിന് മികച്ച പിന്തുണ നല്കി. കമ്മിന്സ് 33 റണ്സെടുത്തു. നാലു വിക്കറ്റെടുത്ത ഇന്ത്യയുടെ മുഹമ്മദ് ഷമിയാണ് ഓസീസിനെ തകര്ത്തത്. സ്പിന്നര്മാരായ അശ്വിന്, രവീന്ദ്ര ജഡേജ എന്നിവര് മൂന്നു വിക്കറ്റുകള് വീതം നേടി.
168 റണ്സെടുക്കുന്നതിനിടെ ആറു വിക്കറ്റുകള് നഷ്ടമായ ഓസീസിനെ ഹാന്ഡ്കോംബ്-കമ്മിന്സ് കൂട്ടുകെട്ടാണ് വന് തകര്ച്ചയില് നിന്നും കരകയറ്റിയത്. 15 റണ്സെടുത്ത ഓപ്പണര് ഡേവിഡ് വാര്ണറെ പുറത്താക്കി മുഹമ്മദ് ഷമിയാണ് ഓസീസ് വേട്ടയ്ക്ക് തുടക്കമിട്ടത്. അടുത്തടുത്ത പന്തുകളില് മാര്നസ് ലബുഷെയ്നിനെയും സ്റ്റീവന് സ്മിത്തിനെയും പുറത്താക്കി അശ്വിന് കംഗാരുക്കളെ ഞെട്ടിച്ചു.
ലബുഷെയ്ന് 18 റണ്സെടുത്തപ്പോള് സ്മിത്ത് റണ്സൊന്നുമെടുക്കാതെയാണ് പുറത്തായത്. ട്രാവിസ് ഹെഡ് 12 റണ്സെടുത്ത് പുറത്തായി. ഷമിക്കാണ് വിക്കറ്റ്. വിക്കറ്റ് കീപ്പര് അലക്സ് കാരിയെയും അശ്വിന് പുറത്താക്കി. ഓസീസ് ടോപ് സ്കോറര് ഖവാജയെ രവീന്ദ്ര ജഡേജ രാഹുലിന്റെ കൈകളിലെത്തിച്ചു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates