മെല്ബണ്: ഇന്ത്യയുടെ സൂപ്പര് പേസര് ജസ്പ്രിത് ബുംറയെ പുകഴ്ത്തി ഓസ്ട്രേലിയന് താരം ട്രാവിസ് ഹെഡ്. ബുംറ ലോകത്തെ ഏറ്റവും മികച്ച ഫാസ്റ്റ് ബൗളറാകുമെന്നും ഇന്ത്യയുടെ മഹത്തായ താരത്തെ നേരിടാന് ഏറെ ബുദ്ധിമുട്ടിയതായി അഭിമാനത്തോടെ തന്റെ പേരക്കുട്ടികളോട് പറയുമെന്നും ഹെഡ് പറഞ്ഞു.
ബോര്ഡര് ഗാവസ്കര് ട്രോഫിയില് പെര്ത്തില് ആദ്യ ടെസ്റ്റില് ഇന്ത്യ 295 റണ്സിന് വിജയിച്ച മത്സരത്തില് മികച്ച പ്രകടനത്തിലൂടെ ലോകത്തിലെ ഏറ്റവും മികച്ച ബൗളര് എന്ന പദവി ബുംറ ഉറപ്പിച്ചു. മത്സരത്തെ കുറിച്ച് ഓര്ക്കുമ്പോള് എത്ര വെല്ലുവിളികള് നിറഞ്ഞ നിമിഷങ്ങളായിരുന്നു അത്, ബുംറക്കെതിരെ കളിക്കുന്നത് മികച്ചതാണെന്നും ഹെഡ് മാധ്യമപ്രവര്ത്തകരോട് പറഞ്ഞു.
ബുംറയെ ഇനിയും നേരിടേണ്ടി വരും അത് വെല്ലുവിളികള് നിറഞ്ഞതായിരിക്കും. പെര്ത്തില് 8/72 എന്ന മികച്ച പ്രകടനമാണ് ബുംറ കാഴ്ചവെച്ചത്. പ്രധാന വിക്കറ്റുകള് വിഴ്ത്തി മറ്റേതൊരു ബൗളറെയും അപേക്ഷിച്ച് ബുംറ തികച്ചും വ്യത്യസ്തനാണ്. ഒരോ ബാറ്റര്മാരെയും വിക്കറ്റിന് മുന്നില് വ്യത്യസ്തമായ രീതിയില് കുടുക്കുന്നു. ട്രാവിസ് ഹെഡ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates