മുംബൈ: മുഖ്യ സെലക്ടറായി അജിത് അഗാര്‍ക്കര്‍ തുടരും. ബിസിസിഐ അദ്ദേഹത്തിനു കാലാവധി നീട്ടി നല്‍കാനുള്ള തയ്യാറെടുപ്പിലെന്നു റിപ്പോര്‍ട്ടുകള്‍. 2027ലെ ഏകദിന ലോകകപ്പ് ടീമിനെ പ്രഖ്യാപിക്കാനിരിക്കെയാണ് ബിസിസിഐ നിര്‍ണായക തീരുമാനം എടുത്തതെന്നു റിപ്പോര്‍ട്ടുകള്‍ വ്യക്തമാക്കി.

ഈ വര്‍ഷം ജൂണ്‍ മാസത്തോടെ അഗാര്‍ക്കറുടെ മുഖ്യ സെലക്ടര്‍ സ്ഥാനത്തെ കാലാവധി അവസാനിക്കും. ഇതിനു മുന്‍പ് തന്നെ അദ്ദേഹത്തിനു അടുത്ത വര്‍ഷത്തെ ലോകകപ്പ് വരെ കരാര്‍ നീട്ടി നല്‍കുമെന്നാണ് വിവരം.

ഭയരഹിതമായി തീരുമാനമെടുക്കുന്നതും അദ്ദേഹത്തിന്റെ നേതൃത്വത്തില്‍ ഇന്ത്യന്‍ ടീം അടിമുടി മാറ്റത്തിന്റെ പാതയിലേക്ക് അതിവേഗം സഞ്ചരിക്കുന്നതും ബിസിസിഐ കണക്കിലെടുത്തിട്ടുണ്ട്. അതിനാല്‍ തന്നെ കരാര്‍ നീട്ടി നല്‍കാന്‍ തന്നെയാണ് നിലവില്‍ തീരുമാനിച്ചിരിക്കുന്നതെന്നും ബിസിസിഐയോടു അടുത്തവൃത്തങ്ങള്‍ വ്യക്തമാക്കി.