ബോര്ഡര്- ഗാവസ്കര് ട്രോഫി ഒന്നാം ടെസ്റ്റിനു നാളെ പെര്ത്തിലാണ് തുടക്കമാകുന്നത്. അഞ്ച് മത്സരങ്ങളടങ്ങിയ പരമ്പരയാണ് ഇന്ത്യയും ഓസ്ട്രേലിയയും തമ്മില്. നാളെ മുതല് ജനുവരി 7 വരെയാണ് ഇന്ത്യയുടെ ഓസീസ് പര്യടനം. ഓസ്ട്രേലിയയും ഇംഗ്ലണ്ടും തമ്മിലുള്ള ആഷസ് പോരിനേക്കാള് വലിയ പോരാട്ടമെന്നു ചില ക്രിക്കറ്റ് പണ്ഡിതര് ബോര്ഡര്- ഗാവസ്കര് ട്രോഫിയെ വിശേഷിപ്പിക്കുന്നു.
ഒന്നാം ടെസ്റ്റ് നാളെ മുതല് 26 വരെ പെര്ത്തില്. രണ്ടാം ടെസ്റ്റ് ഡിസംബര് 6 മുതല് 10 വരെ അഡ്ലെയ്ഡ് ഓവലില്. മൂന്നാം ടെസ്റ്റ് 14 മുതല് 18 വരെ ഗാബയില്. നാലാം ടെസ്റ്റ് 26 മുതല് 30 വരെ മെല്ബണില്. അഞ്ചാം ടെസ്റ്റ് ജനുവരി 3 മുതല് 7 വരെ സിഡ്നിയില്.
ഇന്ത്യന് സമയം രാവിലെ 10.30 മുതലാണ് മത്സരം. സ്റ്റാര് സ്പോര്ട്സിന്റെ ചാനലുകള് വഴി ടെലിവിഷനില് കാണാം. മൊബൈലില് ഹോട് സ്റ്റാര് വഴിയും മത്സരങ്ങള് തത്സമയം ആരാധകര്ക്ക് കാണാം.
ഇന്ത്യ ഓസീസ് മണ്ണില് ഇതുവരെ 52 ടെസ്റ്റുകള് കളിച്ചു. 9 മത്സരങ്ങളില് ജയം. 30 തോല്വി. 9 വിജയങ്ങളും കഴിഞ്ഞ രണ്ട് തവണയായുള്ള പര്യടനത്തിലാണ് ഇന്ത്യ സ്വന്തമാക്കിയത്.
നിലവില് നാളെ തുടക്കത്തില് മാത്രമാണ് മഴയ്ക്ക് സാധ്യത പറയുന്നത്. ആകാശം മേഘാവൃതമായിരിക്കുമെങ്കിലും മഴ കളി തടസപ്പെടുത്താന് സാധ്യതയില്ലെന്നാണ് പ്രവചനം.
ടെസ്റ്റിന്റെ ആദ്യ രണ്ട് ദിനങ്ങളില് പേസിനു അനുകൂലമായിരിക്കുമെന്നാണ് ക്യൂറേറ്റര്മാരുടെ വിലയിരുത്തല്. ധാരളം പേസും ബൗണ്സും ലഭിക്കും. ബാറ്റര്മാരോടും പിച്ച് കനിവ് കാട്ടുമെന്നാണ് പ്രതീക്ഷ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates