ലണ്ടൻ: എഫ്എ കപ്പിൽ അഞ്ചാം റൗണ്ടിലേക്ക് മുന്നേറി മാഞ്ചസ്റ്റർ യുനൈറ്റഡ്. റീഡിങിനെ ഒന്നിനെതിരെ മൂന്ന് ​ഗോളുകൾക്ക് പരാജയപ്പെടുത്തിയാണ് മാഞ്ചസ്റ്റർ യുനൈറ്റഡിന്റെ മുന്നേറ്റം. ബ്രസീലിയൻ താരം കാസെമിറോയുടെ ഇരട്ട ​ഗോളുകളാണ് കളിയിൽ നിർണായകമായത്. ഫ്രഡാണ് മറ്റൊരു സ്കോറർ. 

കടുത്ത ആക്രമണമാണ് മാഞ്ചസ്റ്റർ പുറത്തെടുത്തത്. തീർത്തും പ്രതിരോധത്തിലായിരുന്നു റീഡിങ് നിര. ആദ്യ പകുതി ​ഗോൾ രഹിതമായിരുന്നു. രണ്ടാം പകുതിയിൽ 54, 58 മിനിറ്റുകളിലാണ് കാസെമിറോ വല ചലിപ്പിച്ചത്. 

മത്സരത്തിൽ കാസെമിറോ നേടിയ രണ്ട് ​ഗോളുകളും ശ്രദ്ധേയമായി. ആദ്യ ​ഗോൾ ചിപ്പ് ചെയ്താണ് താരം വലയിലിട്ടത്. ആന്റണിയുടെ പാസിൽ നിന്നായിരുന്നു ഈ ​ഗോളിന്റെ പിറവി.

നാല് മിനിറ്റിനുള്ളിൽ രണ്ടാം ​ഗോളും. ഈ ലോങ് റേഞ്ച് ​ഗോൾ ഉജ്ജ്വലമായിരുന്നു. താരത്തിന്റെ ഷോട്ട് ​ഗോൾ കീപ്പറുടെ ​കണക്കുകൂട്ടൽ തെറ്റിച്ച് വലയിലായി. 

ബ്രൂണോ ഫെർണാണ്ടസ് കൊടുത്ത പാസ് സ്വീകരിച്ച് ഫ്രെഡ്, കാസെമിറോയ്ക്ക് ലോങ് റേഞ്ച് ചെയ്യാനായി ബോൾ ഒരുക്കിക്കൊടുത്തു. താരത്തിന്റെ ഞൊടിയിടെയുള്ള വലം കാലൻ ഷോട്ട് വളഞ്ഞ് റീഡിങ് വലയിലേക്ക്. 

ഇരട്ട ​ഗോൾ നേടുക മാത്രമായിരുന്നില്ല. യുനൈറ്റഡിനായി കളം മുഴുവൻ കാസെമിറോ നിറഞ്ഞു നിന്നു. 

ഈ വാര്‍ത്ത കൂടി വായിക്കൂ 

അന്നും നോർത്ത്ഈസ്റ്റ്, ഇന്നോ? വിജയ വഴിയിൽ തിരിച്ചെത്താൻ ബ്ലാസ്റ്റേഴ്സ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ