അന്നും നോർത്ത്ഈസ്റ്റ്, ഇന്നോ? വിജയ വഴിയിൽ തിരിച്ചെത്താൻ ബ്ലാസ്റ്റേഴ്സ്
കൊച്ചി: എട്ട് മത്സരങ്ങളിൽ അപരാജിതരായി മുന്നേറുന്നതിനിടെ തുടരെ രണ്ട് പരാജയം. കേരള ബ്ലാസ്റ്റേഴ്സിന് വഴി സുഗമമാകാൻ ഇന്ന് ജയിച്ചേ തീരു. വൈകീട്ട് 7.30 കൊച്ചിയിൽ നോർത്ത്ഈസ്റ്റ് യുനൈറ്റഡിനെയാണ് കൊമ്പൻമാർ നേരിടുന്നത്.
നേരത്തെ മൂന്ന് മത്സരങ്ങൾ തുടരെ തോറ്റ് വീണ്ടും വിജയ വഴിയിൽ തിരിച്ചെത്തിയത് നോർത്ത്ഈസ്റ്റിനെ അവരുടെ തട്ടകത്തിൽ വീഴ്ത്തിയായിരുന്നു. അതേ മികവ് ഇന്ന് ആവർത്തിക്കാനാണ് ബ്ലാസ്റ്റേഴ്സ് ഒരുങ്ങുന്നത്.
കഴിഞ്ഞ മത്സരങ്ങളിൽ മുംബൈയോടും ഗോവയോടും തകർന്ന ബ്ലാസ്റ്റേഴ്സിന് ഒരിക്കൽക്കൂടി വിജയ വഴിയിലേക്കു മടങ്ങിയെത്താൻ നോർത്ത്ഈസ്റ്റിനെ കൈയിൽ കിട്ടിയിരിക്കുകയാണ്. അതിജീവിക്കുമോ എന്നാണ് അറിയാനുള്ളത്. പോയിന്റ് പട്ടികയിൽ ബ്ലാസ്റ്റേഴ്സ് അഞ്ചാമതും നോർത്ത്ഈസ്റ്റ് അവസാന സ്ഥാനത്തുമാണ്.
ഇനി വരുന്ന ആറ് മത്സരങ്ങൾ പ്ലേയോഫ് ഉറപ്പിക്കാനുള്ള അവസരമാണ്. ഇന്ന് വിജയം അതുകൊണ്ടു തന്നെ അനിവാര്യമാണ്. രണ്ട് പരാജയങ്ങളുടെ ക്ഷീണം തീർത്ത് ബ്ലാസ്റ്റേഴ്സ് തിരിച്ചെത്തുന്നത് കാത്ത് ആരാധകർ നിൽക്കുന്നു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ