ദുബായ്: ഐപിഎല്ലില് നിന്ന് പിന്മാറി വെസ്റ്റ് ഇന്ഡീസ് താരം ക്രിസ് ഗെയ്ല്. ബയോ ബബിളിലെ ജീവിതം ദുഷ്കരമാണെന്ന് ചൂണ്ടിക്കാണിച്ചാണ് ഗെയ്ല് ഈ സീസണിലെ ഇനിയുള്ള മത്സരങ്ങളില് കളിക്കില്ലെന്ന് വ്യക്തമാക്കുന്നത്.
ബയോ ബബിള് ജീവിതം ദുഷ്കരമായതിനാല് ക്രിസ് ഗെയ്ല് ഐപിഎല് നിന്ന് പിന്മാറുകയാണ്. ആദ്യം കരീബിയന് പ്രീമിയര് ലീഗിലെ ബബിളിലും പിന്നാലെ ഐപിഎല് ബബിളിലും ഗെയ്ല് ഭാഗമാവുകയായിരുന്നു. ട്വന്റി20 ലോകകപ്പിന് മുന്പ് മാനസികമായി ഉന്മേഷം വീണ്ടെടുക്കുന്നതിന് വേണ്ടിയാണ് പിന്മാറുന്നത്, പഞ്ചാബ് കിങ്സ് പ്രസ്താവനയില് പറയുന്നു.
ഐപിഎല് പതിനാലാം സീസണ് മത്സരങ്ങള് യുഎഇയില് പുനരാരംഭിച്ചപ്പോള് രണ്ട് മത്സരങ്ങളിലാണ് ഗെയ്ല് പ്ലേയിങ് ഇലവനില് ഉള്പ്പെട്ടത്. എന്നാല് ഈ രണ്ട് കളിയിലും ഫോം കണ്ടെത്താന് കഴിഞ്ഞില്ല. ഐപിഎല്ലില് പഞ്ചാബ് കിങ്സ് ഇന്ന് കൊല്ക്കത്തയെ നേരിടും. പ്ലേഓഫ് സാധ്യത അസ്തമിക്കാതിരിക്കാന് പഞ്ചാബിന് ജയം അനിവാര്യമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates