കോപ്പ അമേരിക്കയിൽ ​ഗ്രൂപ്പ് എയിൽ നടന്ന പോരാട്ടത്തിൽ കൊളംബിയയെ കീഴടക്കി പെറു. ഒന്നിനെതിരേ രണ്ടുഗോളുകൾക്കാണ് പെറു കോപ്പയിൽ ആദ്യ ജയം നേടിയത്. സെർജിയോ പീനയും യെറി മീനയും പെറുവിനായി ​ഗോൾ നേടിയപ്പോൾ മിഗ്വേൽ ബോർയയുടെ വകയായിരുന്നു കൊളംബിയയുടെ ആശ്വാസ ഗോൾ. ജയത്തോടെ നോക്കൗട്ട് പ്രവേശന സാധ്യതകൾ സജീവമാക്കിയിരിക്കുകയാണ് പെറു. 

കളി തുടങ്ങി 17-ാം മിനിട്ടിലാണ് പെറു ആദ്യ ഗോൾ നേടിയത്. സെർജിയോ പീനയാണ് ​ഗോൾവല കുലുക്കിയത്. 2021 കോപ്പ അമേരിക്കയിലെ പെറുവിന്റെ ആദ്യ ​ഗോളാണിത്. സമനില പിടിക്കാൻ കൊളംബിയയ്ക്ക് രണ്ടാം പകുതി വരെ കാത്തി​രിക്കേണ്ടിവന്നു.  52-ാം മിനിട്ടിൽ ലഭിച്ച പെനാൽട്ടി കൊളംബിയൻ താരം ബോർഹ അനായാസം വലയിലെത്തിച്ചു. 64-ാം മിനിട്ടിൽ യെറി മീന സെൽഫ്​ ഗോളടിച്ചതോടെ കളി​ പെറുവിന് അനുകൂലമായി.

ഗ്രൂപ്പ് എ യിൽ രണ്ടു കളികളിൽ ആറു പോയിൻറുമായി ബ്രസീലാണ്​ മുന്നിൽ. തോറ്റെങ്കിലും കൊളംബിയ പട്ടികയിൽ രണ്ടാം സ്ഥാനത്തുണ്ട്. മൂന്ന് മത്സരങ്ങളിൽ നിന്നും നാല് പോയിന്റാണ് കൊളംബിയ നേടിയിട്ടുള്ളത്. പെറു രണ്ട് മത്സരങ്ങളിൽ നിന്നും മൂന്ന് പോയന്റുകളുമായി മൂന്നാം സ്ഥാനത്തെത്തി. സമനിലയിലായ വെനസ്വേല-എക്വഡോർ പോരാട്ടത്തിനൊടുവിൽ മൂന്നു മത്സരങ്ങളിൽ നിന്ന് രണ്ടു പോയിൻറാണ് വെനസ്വേല നേടിയിരിക്കുന്നത്. രണ്ടു കളികളിൽ നിന്ന് ഒരു പോയിൻറാണ് എക്വഡോറിനുള്ളത്.