ഇന്ത്യ ലോകകപ്പ് ഫൈനലിൽ പ്രവേശിച്ചതിന് പിന്നാലെ അഭിനന്ദവുമായി ചലചിത്രരം​ഗത്ത് നിന്നും നിരവധി ആളുകൾ രം​ഗത്തെത്തിയിരുന്നു. ഇതിൽ പലരുടെയും പോസ്റ്റുകളും അഭിപ്രായങ്ങളും സോഷ്യൽമീഡിയയിൽ വൈറലുമായിരുന്നു. എന്നാൽ അതിന്റെയെല്ലാം ഒരുപടി മേലെയാണ് ബി​ഗ് ബിയുടെ പോസ്റ്റ്. 'ഞാൻ കണ്ടില്ലെങ്കിൽ നമ്മൾ വിജയിക്കും' എന്നായിരുന്നു ബോളിവുഡ് ഇതിഹാസം അമിതാഭ് ബച്ചൻ ഇന്ത്യയുടെ ഫൈനൽ പ്രവേശത്തെ കുറിച്ച് എക്‌സിൽ കുറിച്ചത്.

ട്വീറ്റ് നിമിഷങ്ങൾക്കുള്ളിൽ വൈറലായി. ആരാധകരുടെ രസകരമായ കമന്റുകൾ കൊണ്ട് നിറഞ്ഞിരിക്കുകയാണ് കമന്റ് ബോക്‌സ്. ഫൈനൽ മത്സരം താരം കാണരുതെന്നായിരുന്നു പലരുടെയും അപേക്ഷ. മത്സരം നടക്കുമ്പോൾ കണ്ണു കെട്ടിയിരിക്കണമെന്നായിരുന്നു ഒരു ആരാധകൻ ബി​ഗ് ബിയോട് അപേക്ഷിച്ചത്. പോസ്റ്റിന് താഴെ നിരവധി മീമുകളും പ്രത്യക്ഷപ്പെട്ടു.

കഴിഞ്ഞ ലോകക്കപ്പിൽ സെമിയിൽ തോൽപ്പിച്ച അതേ കെയ്ൻ വില്യംസണോടും സംഘത്തോടും കണക്ക് തീർത്താണ് ഇന്ത്യയുടെ ഫൈനൽ പ്രവേശനം. ഇന്ത്യ ഉയർത്തിയ 398 റൺസ് വിജലക്ഷ്യത്തിലേക്ക് ബാറ്റെടുത്ത കിവീസ് 48.5 ഓവറിൽ 327 റൺസിന് ഓൾഔട്ടായി. ഏകദിന ലോകകപ്പ് ചരിത്രത്തിൽ ഇന്ത്യയുടെ നാലാം ഫൈനലാണിത്.

ഈ വാര്‍ത്ത കൂടി വായിക്കൂ 

നരേന്ദ്രമോദി മുഖ്യാതിഥിയാകും;  ഫൈനല്‍ മത്സരം കാണാന്‍ ഓസിസ് പ്രധാനമന്ത്രിക്കും ക്ഷണം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ