മുംബൈ: നോർവീജിയൻ ഹിപ്-ഹോപ് ഡാൻസ് സംഘമായ ക്വിക്ക് സ്റ്റൈലിനൊപ്പം ചുവടുവച്ച് വിരാട് കോഹ്‍ലി. വിരാടും ക്വിക്ക് സ്റ്റൈലും എന്ന് കുറിച്ച് ഇൻസ്റ്റ​ഗ്രാമിലാണ് വിഡിയോ പങ്കുവച്ചത്. ഇഷ്ക് എന്ന സിനിമയിലെ 'സ്റ്റീരിയോ നേഷൻ'സിന്റെ പാട്ടിലെ ബീജിയത്തിനൊപ്പമാണ് ഇവർ ചുവടുവയ്ക്കുന്നത്. 

കഴിഞ്ഞ ദിവസമാണ് ക്വിക്ക് സ്റ്റൈൽ സംഘം ഇന്ത്യയിലെത്തിയത്. ബോർഡർ-ഗാവസ്‌കർ ട്രോഫി പൂർത്തിയായതിന് പിന്നാലെയാണ് കോഹ്‍ലി ഇവരെ സന്ദർശിച്ചത്. ഡാൻസ് ​ഗ്രൂപ്പിലെ ഒരാൾ ക്രിക്കറ്റ് ബാറ്റുമായി നിൽക്കുന്നതാണ് വിഡിയോയുടെ തുടക്കം. സം​ഗതി ബാറ്റാണെന്ന് മനസ്സിലാകാതെ ഇത് എന്തിനാണ് ഉപയോ​ഗിക്കുന്നതെന്ന ചിന്തയിലാണ് ഇയാൾ. ഇപ്പോഴാണ് വെള്ള ടീ-ഷർച്ചും കറുത്ത ജീൻസും ധരിച്ച് കോഹ്‍ലി എത്തുന്നത്. എങ്ങനെയാണ് ബാറ്റ് ഉപയോ​ഗിക്കുന്നതെന്ന് കോഹ്‍ലി ഇവർക്ക് പറഞ്ഞുകൊടുക്കുന്നത് പോലെയാണ് മനോഹരമായ സ്റ്റെപ്പുകൾ ചിട്ടപ്പെടുത്തിയിരിക്കുന്നത്. ഇത് അടുത്ത ട്രെൻഡാകുമെന്ന ഉറപ്പാണ് കമന്റുകളിൽ നിറയുന്നത്. 

ഇന്ത്യൻ ഡാൻസ് നമ്പറുകൾ കൊണ്ട് തരംഗമായി മാറിയ ടീമാണ് ക്വിക്ക് സ്റ്റൈൽ. നോർവെ ഗോട്ട് ടാലൻറ് പരിപാടിയിൽ ജേതാക്കളായിരുന്നു ഇവർ. ഇരട്ട സഹോദരങ്ങളായ സുലേമാൻ മാലിക്കും ബിലാൽ മാലിക്കും സുഹൃത്തുക്കളും ചേർന്നാണ് സംഘമുണ്ടാക്കിയത്. കാലാ ചഷമാ ഉൾപ്പടെയുള്ള ഗാനങ്ങൾക്കുള്ള ഇവരുടെ നൃത്തം വൈറലായിരുന്നു. 

ഈ വാര്‍ത്ത കൂടി വായിക്കൂ 

ലിവര്‍പൂള്‍ താരം മുഹമ്മദ് സലയുടെ ആഡംബര വില്ലയില്‍ കള്ളന്‍ കയറി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ