റിയാദ്: സൗദി പ്രോ ലീ​ഗിൽ ടോപ് സ്കോററായി പോർച്ചു​ഗൽ നായകനും സൂപ്പർ താരവുമായ ക്രിസ്റ്റ്യാനോ റൊണാൾ‍‍ഡോ. ലീ​ഗിൽ അൽ നസർ ടീമിനായി സീസണിൽ 13 ​ഗോളുകൾ അടിച്ചാണ് റൊണാൾഡോയുടെ മുന്നേറ്റം. കഴിഞ്ഞ ദിവസം അൽ ഖലീജിനെതിരായ പോരാട്ടത്തിൽ താരം ഇരട്ട ​ഗോളുകൾ നേടിയതോടെയാണ് തലപ്പത്തേക്ക് കയറിയത്. 16 മത്സരങ്ങളിൽ നിന്നാണ് 13 ​ഗോളുകൾ.

മത്സരത്തിൽ അൽ നസർ 3-1നു മത്സരം ജയിച്ചു കയറി. 65ാം മിനിറ്റിലാണ് മത്സരത്തിൽ താരം ആദ്യ ​ഗോൾ നേടിയത്. പിന്നാലെ ഇഞ്ച്വറി സമയത്ത് തന്റെ രണ്ടാം ​ഗോളും വലയിലാക്കി. സുൽത്താൻ അൽ ​ഗന്നമാണ് ശേഷിച്ച ​ഗോൾ നേടിയത്.

ടീം ഇന്ത്യ ജേഴ്സിയിൽ പാകിസ്ഥാൻ ഉണ്ട്! അഭ്യൂഹങ്ങൾ തള്ളി ബിസിസിഐ

ഇരട്ട ​ഗോൾ നേട്ടത്തോടെ അൽ ഹിലാൽ താരം അലക്സാണ്ടർ മിത്രോവിചിനെയാണ് റൊണാൾഡോ പിന്തള്ളിയത്. താരത്തിനു 12 ​ഗോളുകൾ. അൽ ഇത്തിഹാദ് താരം കരിം ബെൻസമയാണ് മൂന്നാം സ്ഥാനത്ത്. ഫ്രഞ്ച് വെറ്ററൻ 11 ​ഗോളുകൾ സീസണിൽ ഇതുവരെ വലയിലാക്കി.