പോര്ട്ടോ: ലോകകപ്പ് യോഗ്യതാ മത്സരത്തില് ലക്സംബര്ഗിനെ എതിരില്ലാത്ത 5 ഗോളുകള്ക്കാണ് പോര്ച്ചുഗല് തകര്ത്തത്. ഇവിടെ ഹാട്രിക്കോടെ ക്രിസ്റ്റിയാനോ നിറഞ്ഞു. എന്നാല് അവിടെ ക്രിസ്റ്റ്യാനോ കണ്ടെത്തിയ ഗോളുകളേക്കാള് ആരാധകരെ ത്രസിപ്പിച്ചത് സൂപ്പര് താരത്തിന്റെ മറ്റൊരു ഗോള് ശ്രമമാണ്.
കളി തുടങ്ങി 13 മിനിറ്റിനുള്ളില് തന്നെ ക്രിസ്റ്റിയാനോ രണ്ട് ഗോള് നേടി. പെനാല്റ്റിയിലൂടെയായിരുന്നു ഇവ രണ്ടും. എന്നാല് ഇവിടെ ബൈസിക്കിള് കിക്കിലൂടെ ഹാട്രിക് തികയ്ക്കാനുള്ള അവസരം ക്രിസ്റ്റ്യാനോയ്ക്ക് മുന്പിലെത്തി.
വലത് വിങ്ങില് നിന്ന് ലഭിച്ച ക്രോസില് ആദ്യ ടച്ച് എടുത്ത് മുകളിലേക്ക് ഉയര്ത്തിയ ക്രിസ്റ്റിയാനോ ബൈസിക്കിള് കിക്ക് കളിച്ചു. എന്നാല് ലംക്സംബര്ഗ് ഗോള്കീപ്പര്ക്ക് ഇത് തടുത്തിടാനായി. അല്ലായിരുന്നു എങ്കില് പോര്ച്ചുഗല്ലിനായി ക്രിസ്റ്റിയാനോയുടെ ബൈസിക്കിള് ഗോള് എത്തുമായിരുന്നു.
ബൈസിക്കിള് കിക്കിലൂടെ ഗോള് കണ്ടെത്താന് കഴിഞ്ഞില്ലെങ്കിലും 87ാം മിനിറ്റില് ക്രിസ്റ്റിയാനോ ഹാട്രിക് തികച്ചു. കരിയറിലെ ക്രിസ്റ്റിയാനോയുടെ 58ാം ഹാട്രിക്ക് ആണ് ഇത്. പോര്ച്ചുഗല്ലിനായുള്ള ക്രിസ്റ്റിയാനോയുടെ ഗോള് നേട്ടം 115ലേക്കും എത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates