ന്യൂഡല്‍ഹി: ശാരീരികമായും മാനസികമായും പ്രതികൂലമായി ബാധിക്കുകയാണ് എങ്കില്‍ ഐപിഎല്ലില്‍ കളിക്കുന്നതില്‍ നിന്ന് വിട്ടുനില്‍ക്കണമെന്ന് ഇന്ത്യന്‍ മുന്‍ ക്യാപ്റ്റന്‍ കപില്‍ ദേവ്. കളിയോട് അഭിനിവേശം ഉണ്ടെങ്കില്‍ അവിടെ സമ്മര്‍ദം ഉണ്ടാവില്ലെന്നും കപില്‍ ദേവ് പറയുന്നു.
ഐപിഎല്ലില്‍ കളിക്കുമ്പോള്‍ താരങ്ങള്‍ ഒരുപാട് സമ്മര്‍ദം നേരിടുന്നതായി ഞാന്‍ ഒരുപാട് വട്ടം കേട്ടു. ഇക്കാര്യത്തില്‍ എനിക്ക് ഒരുകാര്യം മാത്രമേ പറയാനുള്ളു. ഐപിഎല്ലില്‍ കളിക്കാതിരിക്കു. കളിക്കാരന് അഭിനിവേഷം ഉണ്ടെങ്കില്‍ പിന്നെ സമ്മര്‍ദം ഉണ്ടാവില്ല, കപില്‍ ദേവ് പറയുന്നു.
ഡിപ്രഷന്‍ പോലെ അമേരിക്കന്‍ വാക്കുകള്‍ എനിക്ക് മനസിലാവില്ല
ഡിപ്രഷന്‍ പോലെ അമേരിക്കന്‍ വാക്കുകള്‍ എനിക്ക് മനസിലാവില്ല. ഞാന്‍ ഒരു കര്‍ഷകനാണ്. ഈ കളി ആസ്വദിക്കുന്നത് കൊണ്ട് ഇത് കളിക്കുന്നു. കളി ആസ്വദിച്ചാല്‍ അവിടെ സമ്മര്‍ദം ഉണ്ടാവില്ല എന്നും ഇന്ത്യയെ ആദ്യമായി ലോക കിരീടത്തിലേക്ക് നയിച്ച ക്യാപ്റ്റന്‍ പറയുന്നു.
ഇന്ത്യന്‍ സ്റ്റാര്‍ പേസര്‍ ബുമ്രയ്ക്ക് പരിക്കേറ്റതോടേയും ഐപിഎല്ലില്‍ കളിക്കുന്നതിന് എതിരെ രൂക്ഷ വിമര്‍ശനം ഉയര്‍ന്നിരുന്നു. ഐപിഎല്ലില്‍ ഒരു മത്സരം പോലും നഷ്ടപ്പെടുത്താതെ കളിക്കുന്ന ബുമ്രയ്ക്ക് ദേശിയ ടീമിലേക്ക് എത്തുമ്പോള്‍ ഇത്രയും ഇടവേള വരുന്നത് എന്തുകൊണ്ടാണ് എന്ന ചോദ്യമാണ് ഉയര്‍ന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates