ലണ്ടന്: ഇംഗ്ലീഷ് പ്രീമിയര് ലീഗില് നിലവിലെ ചാംപ്യന്മാരായ ലിവര്പൂളിന് തുടരെ അഞ്ചാം ജയം. മേഴ്സി സൈഡ് നാട്ടങ്കത്തില് അവര് 2-1നു എവര്ട്ടനെ വീഴ്ത്തി. റയാന് ഗ്രാവന്ബെര്ഹ്, എകിറ്റികെ എന്നിവരുടെ ആദ്യ പകുതിയിലെ ഗോളുകളാണ് ലിവര്പൂളിനെ താങ്ങി നിര്ത്തിയത്. എവര്ട്ടന്റെ ഗോള് 58ാം മിനിറ്റില് ഇദ്രിസ ഗ്വയെ നേടി.
ഇന്ന് നടന്ന മറ്റ് മത്സരങ്ങളില് ക്രിസ്റ്റല് പാലസ്, ലീഡ്സ് യുനൈറ്റഡ് ടീമുകളും ജയിച്ചു. ക്രിസ്റ്റല് പാലസ് 2-1നു വെസ്റ്റ് ഹാമിനെ വീഴ്ത്തി. വൂള്വ്സിനെയാണ് ലീഡ്സ് തകര്ത്തത്. 1-3നാണ് അവരുടെ ജയം.
ടോട്ടനം ഹോട്സ്പര്- ബ്രൈറ്റന് പോരാട്ടം 2-2നും ബേണ്ലി- നോട്ടിങ്ഹാം ഫോറസ്റ്റ് പോരാട്ടം 1-1നും സമനിലയില് പിരിഞ്ഞു. തുടരെ അഞ്ച് ജയങ്ങളുമായി ലിവര്പൂള് 15 പോയിന്റോടെ ഒന്നാം സ്ഥാനത്ത് മുന്നേറുന്നു. 10 പോയിന്റുമായി ടോട്ടനം രണ്ടാമത്. എവര്ടന് 8ാം സ്ഥാനത്ത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates