സിഡ്നി: പുറത്ത് എല്ലാവരും സാധാരണ ജീവിതം ആസ്വദിക്കുകയാണ്. അപ്പോഴാണ് തങ്ങള് ക്വാറന്റൈനില് കഴിയുന്നത്. അങ്ങനെ കഴിയുന്നത് വെല്ലുവിളിയാണ്, ഇന്ത്യന് നായകന് അജങ്ക്യാ രഹാനെ പറഞ്ഞു. മൂന്നാം ടെസ്റ്റിന് മുന്പായുള്ള വാര്ത്താ സമ്മേളനത്തിലാണ് രഹാനെയുടെ വാക്കുകള്.
ക്വാറന്റൈന് നിയമങ്ങള് ഞങ്ങളെ അലട്ടുന്നില്ല. പുറത്ത് ജീവിതം സാധാരണ നിലയില് മുന്പോട്ട് പോവുന്നത് കാണുമ്പോഴാണ് ക്വാറന്റൈനില് ഇരിക്കുക എന്നത് വെല്ലുവിളിയായി തോന്നുന്നത്. രോഹിത് ശര്മയുടെ ടീമിലേക്കുള്ള മടങ്ങി വരവ് എക്സൈറ്റ് ചെയ്യിക്കുകയാണെന്നും രഹാനെ പറഞ്ഞു.
രോഹിത്തിന്റെ അനുഭവസമ്പത്ത് വിലമതിക്കാനാവാത്തതാണ്. നെറ്റ്സില് രോഹിത് നന്നായി ബാറ്റ് ചെയ്യുന്നു. 7-8 സെഷന് രോഹിത് ബാറ്റ് ചെയ്തു. മെല്ബണില് എത്തിയത് മുതല് രോഹിത് പരിശീലനം നടത്തുന്നുണ്ട്. വളരെ നന്നായാണ് ബാറ്റ് ചെയ്യുന്നത്. കഴിഞ്ഞ ഏതാനും പരമ്പരകളില് രോഹിത് ഓപ്പണറായാണ് കളിച്ചത്. അതുകൊണ്ട് രോഹിത്തിനെ ഓപ്പണിങ്ങില് തന്നെ കാണാം എന്നും രഹാനെ പറഞ്ഞു.
രഹാനെയുടെ വാര്ത്താ സമ്മേളനത്തിന് പിന്നാലെ സിഡ്നി ടെസ്റ്റിനുള്ള പ്ലേയിങ് ഇലവനേയും ഇന്ത്യ പ്രഖ്യാപിച്ചു. മായങ്ക് അഗര്വാളിന് പകരമാണ് രോഹിത് ശര്മ പ്ലേയിങ് ഇലവനിലേക്ക് എത്തിയത്. ഗില്ലാണ് രോഹിത്തിനൊപ്പം ഇന്നിങ്സ് ഓപ്പണ് ചെയ്യുക. പേസര് നവ്ദീപ് സെയ്നിയും ഇന്ത്യക്കായി സിഡ്നിയില് അരങ്ങേറ്റം കുറിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates