ലണ്ടന്‍: ഇംഗ്ലണ്ടിനെതിരായ ടെസ്റ്റ് പരമ്പരയ്‌ക്കൊരുങ്ങുന്ന ന്യൂസിലന്‍ഡ് ടീമിന് കനത്ത തിരിച്ചടി. ടീമിലെ സുപ്രധാന താരവും പേസ് സെന്‍സേഷനുമായ കെയ്ല്‍ ജാമിസന് പരിക്കേറ്റ് പുറത്ത്. രണ്ട് മത്സരങ്ങളടങ്ങിയ പരമ്പരയിലെ ആദ്യ പോരാട്ടം ഈ മാസം 16ന് തുടങ്ങാനിരിക്കെയാണ് താരം പുറത്തായത്.
പുറത്തേറ്റ പരിക്കിനെ തുടര്‍ന്നാണ് ജാമിസനെ ടീമില്‍ നിന്ന് ഒഴിവാക്കിയത്. മറ്റൊരു സീമറായ മാറ്റ് ഹെന്റിയും ഒന്നാം ടെസ്റ്റിനുണ്ടാകില്ല. ആദ്യ കുഞ്ഞിന്റെ ജനനവുമായി ബന്ധപ്പെട്ടാണ് താരം ടീമില്‍ നിന്ന് വിട്ടുനില്‍ക്കുന്നത്. ഇരുവര്‍ക്കും പകരം പുതുമുഖങ്ങളായ ജേക്കബ് ഡഫി, സ്‌കോട്ട് കുഗ്ലെജിന്‍ എന്നിവരെ ടീമില്‍ ഉള്‍പ്പെടുത്തി.
കഴിഞ്ഞ ജൂണ്‍ മുതല്‍ ജാമിസന് ഒരു അന്താരാഷ്ട്ര മത്സരവും കളിച്ചിരുന്നില്ല. പുറത്തിനേറ്റ പരിക്കിനെ തുടര്‍ന്ന് താരം വിശ്രമത്തിലായിരുന്നു. ഇംഗ്ലണ്ടിനെതിരായ പരമ്പരയ്ക്ക് മുന്നോടിയായി ടീമിലേക്ക് തിരിച്ചെത്തിയ താരം സന്നാഹ മത്സരത്തില്‍ ന്യൂസിലന്‍ഡ് ഇലവന് വേണ്ടി പന്തെറിയുകയും ചെയ്തു.
ജാമിസന് വേദനയൊന്നും അനുഭവപ്പെട്ടിരുന്നില്ല. സന്നാഹ മത്സരത്തിന് ശേഷം നടത്തിയ സ്‌കാനിങ്ങില്‍ താരത്തിന്റെ പുറത്ത് പൊട്ടലുള്ളതായി കണ്ടെത്തി. ഇതോടെയാണ് ജാമിസനെ ടീമില്‍ നിന്ന് ഒഴിവാക്കിയത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates