മാഡ്രിഡ്: വലന്സിയയെ മറുപടിയില്ലാത്ത 5 ഗോളുകള്ക്ക് തകര്ത്ത് ബാഴ്സലോണ സ്പാനിഷ് കപ്പ് (കോപ്പ ഡെല് റെ) സെമിയില്. ഫെറാന് ടോറസിന്റെ ഹാട്രിക്ക് ഗോളുകളാണ് ടീമിന്റെ ജയം അനായാസമാക്കിയത്.
കളിയുടെ ആദ്യ അര മണിക്കൂറിനുള്ളില് തന്നെ നാല് ഗോളുകള് ബാഴ്സ വലന്സിയ വലയില് അടിച്ചു കയറ്റി. രണ്ടാം പകുതിയില് ഒറ്റ ഗോളും നേടിയാണ് അവര് പട്ടിക തികച്ചത്.
മൂന്നാം മിനിറ്റില് ടോറസിലൂടെ ബാഴ്സ മുന്നിലെത്തി. താരം 17ാം മിനിറ്റില് തന്റെ രണ്ടാം ഗോളിലൂടെ ലീഡുയര്ത്തി.
23ാം മിനിറ്റില് ഫെമിന് ലോപസ് മൂന്നാം ഗോള് ടീമിനു സമ്മാനിച്ചു. ഏഴ് മിനിറ്റിനുള്ളില് ടോറസ് തന്റെ ഹാട്രിക്കും ടീമിന്റെ നാലാം ഗോളും നേടി. 30ാം മിനിറ്റെത്തുമ്പോഴേക്കും ബാഴ്സ 4 ഗോളുകള് നേടിക്കഴിഞ്ഞിരുന്നു.
ലമീന് യമാലിന്റെ വകയാണ് ബാഴ്സലോണയുടെ അഞ്ചാം ഗോള്. 59ാം മിനിറ്റിലാണ് താരം വല ചലിപ്പിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates