ജയ്പൂര്‍: ഐപിഎല്ലില്‍ സെഞ്ച്വറി ഇന്നിങ്‌സുമയായി റോയല്‍ ചലഞ്ചേഴ്‌സ് താരം വിരാട് കോഹ്‌ലി. ഈ സീസണിലെ ആദ്യ സെഞ്ച്വറിക്ക് ഉടമയായിരിക്കുകയാണ് കോഹ്‌ലി (പുറത്താകാതെ 113). 67 പന്തില്‍ നിന്ന് 9 ഫോറും 4 സിക്‌സും അടങ്ങുന്നതായിരുന്നു കോഹ് ലിയുടെ ഇന്നിങ്‌സ്. ലീഗ് ചരിത്രത്തില്‍ ആദ്യമായി 7500 റണ്‍ പിന്നിടുന്ന ആദ്യ താരമായി വിരാട് കോഹ്ലി മാറി.

ടോസ് നഷ്ടപ്പെട്ട് ബാറ്റിങ്ങിനിറങ്ങിയ ബംഗളൂരു നിശ്ചിത ഓവറില്‍ 3 വിക്കറ്റ് നഷ്ടത്തില്‍ 183 റണ്‍സാണ് സ്‌കോര്‍ ചെയ്തത്. ഒന്നാം വിക്കറ്റില്‍ കോഹ് ലിയും ഡൂപ്ലസിയും ചേര്‍ന്ന് മികച്ച തുടക്കമാണ് ടീമിന് നല്‍കിയത്. 14 ഓവറില്‍ 125 റണ്‍സ് ഇരുവരും ചേര്‍ന്ന് നേടി. 33 പന്തില്‍ 44 റണ്‍സാണ് ഡ്യൂപ്ലസി നേടിയത്.

ഡൂപ്ലസി പുറത്താതിന് ശേഷം എത്തിയ ബാറ്റര്‍മാര്‍ രണ്ടക്കം കാണാതെയാണ് മടങ്ങിയത്. മാക്‌സ് വെല്‍(1), സൗരവ് ചൗഹാന്‍(9), എന്നിവരാണ് പുറത്തായത്. രാജസ്ഥാനായി ചഹല്‍ രണ്ടും ബര്‍ജര്‍ ഒരു വിക്കറ്റും വീഴ്ത്തി.