മോസ്കോ: റഷ്യന് കളിമുറ്റത്ത് ആര് കപ്പുയര്ത്തുമെന്ന് ലോകം ഉറ്റുനോക്കുന്ന ഫൈനല് മത്സരത്തിന്റെ ആദ്യ പകുതിയില് ഫ്രാന്സ് മുന്പില്. ഒന്നിനെതിരെ രണ്ടു ഗോളുകള്ക്കാണ് ഫ്രാന്സ് മുന്നിട്ട് നില്ക്കുന്നത്.
37 -ാംമിനിറ്റില് പെനാല്റ്റി കിക്കിലുടെയാണ് അന്റോയിന് ഗ്രീസ്മാന് ഫ്രാന്സിന്റെ രണ്ടാം ഗോള് നേടിയത്.കോര്ണര് കിക്കിനിടെ ഹാന്ഡ് ബോളിനെ തുടര്ന്നാണ് ഫ്രാന്സിന് അനുകൂലമായി പെനാല്റ്റി വിധിച്ചത്.
നേരത്തെ ഫ്രാന്സിനെതിരെ ഗോള് മടക്കി ക്രൊയേഷ്യ സമനില പിടിച്ചിരുന്നു. 29-ാം മിനിറ്റില് ഇവാന് പെരിസിച്ചാണ് ക്രൊയേഷ്യയുടെ സമനില ഗോള് നേടിയത്. ക്രൊയേഷ്യയുടെ ഒത്തിണക്കത്തോടെയുളള പ്രകടനമാണ് ഗോളിലേക്ക് വഴി തുറന്നത്.
ഗ്രീസ്മാന് എടുത്ത ഫ്രീക്വിക്ക് മരിയോ മാന്സുകിച്ചിന്റെ തലയില് തട്ടി ക്രൊയേഷ്യന് വലയില് കയറിയാണ് കളിയുടെ 18-ാം മിനിറ്റില് ഫ്രാന്സിന്റെ ആദ്യ ഗോള് പിറന്നത്. തുടക്കം മുതല് ക്രൊയേഷ്യയ്ക്കായിരുന്നു ആധിപത്യം. അവസരം കാത്തുനിന്ന ഫ്രാന്സ് ഗോള് നേടുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates