കൊളംബോ: പെട്രോളിയം അഴിമതി കേസുമായി ബന്ധപ്പെട്ട് മുന് ശ്രീലങ്കന് ക്രിക്കറ്റ് ടീം ക്യാപ്റ്റനും മന്ത്രിയുമായിരുന്ന അര്ജുന രണതുംഗ അറസ്റ്റിലേക്ക്. ലങ്കയ്ക്ക് ലോകകപ്പ് സമ്മാനിച്ച നായകനെ അറസ്റ്റ് ചെയ്ത് കോടതിയില് ഹാജരാക്കുമെന്നു അഴിമതി നിരോധന കമ്മീഷന് വ്യക്തമാക്കി.
ഉയര്ന്ന വിലയ്ക്ക് ടെന്ഡറുകള് നല്കി സിലോണ് പെട്രോളിയം കോര്പ്പറേഷനു 80 കോടി രൂപയുടെ നഷ്ടമുണ്ടാക്കിയെന്ന കേസിലാണ് നടപടികള്. ശ്രീലങ്കയുടെ അഴിമതി നിരോധന കമ്മീഷന്റെ നടപടികളാണ് മുന് നായകനും ഇതിഹാസ താരവുമായ രണതുംഗയുടെ അറസ്റ്റിലേക്ക് നയിച്ചത്.
രണതുംഗയെ അറസ്റ്റ് ചെയ്യാനുള്ള നടപടികള് സ്വീകരിച്ചു വരികയാണെന്നു അഴിമതി നിരോധന കമ്മീഷന് കോടതിയെ അറിയിച്ചിട്ടുണ്ട്. കേസുമായി ബന്ധപ്പെട്ട് സിലോണ് പെട്രോളിയം കോര്പ്പറേഷന് ചെയര്മാന് ധമ്മിക രണതുംഗയെ നേരത്തെ അറസ്റ്റ് ചെയ്തിരുന്നു. ഇയാളെ കോടതിയില് ഹാജരാക്കിയ സമയത്താണ് അഴിമതി നിരോധന കമ്മീഷന് അര്ജുന രണതുംഗയെ അറസ്റ്റ് ചെയ്യുന്ന കാര്യം വക്തമാക്കിയത്.
ധമ്മിക രണതുംഗയാണ് കേസില് ഒന്നാം പ്രതി. അര്ജുന രണതുംഗ രണ്ടാം പ്രതിയാണ്. നിലവില് അര്ജുന രണതുംഗ വിദേശത്തായതിനാലാണ് അറസ്റ്റ് വൈകുന്നതെന്നും അഴിമതി നിരോധന കമ്മീഷന് കോടതിയെ അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates