ആക്ര: 2026 ഫുട്‌ബോള്‍ ലോകകപ്പിന് യോഗ്യത നേടി ഘാന. കോമോറസിനെ എതിരില്ലാത്ത ഒറ്റഗോളിന് പരാജയപ്പെടുത്തിയാണ് ഘാന യോഗ്യത നേടിയത്. ഇതോടെ അള്‍ജീരിയ, ഈജിപ്ത്, മൊറോക്കോ, ടുണീഷ്യ എന്നിവയ്ക്ക് പിന്നാലെ ലോകകപ്പ് യോഗ്യത നേടിയ അഞ്ചാമത്തെ ആഫ്രിക്കന്‍ രാജ്യമായി ഘാന.

യോഗ്യത ഉറപ്പിക്കാന്‍ ഒരു പോയിന്റ് മാത്രം മതിയായിരുന്ന മത്സരത്തില്‍ എതിരില്ലാത്ത ഒറ്റ ഗോളിനായിരുന്നു ഘാനയുടെ വിജയം.നാല്‍പ്പത്തിയേഴാം മിനിറ്റില്‍ മുന്നേറ്റക്കാന്‍ മുഹമ്മദ് കുഡുസ് ആണ് ഘാനയ്ക്കായി വിജയഗോള്‍ നേടിയത്.

ഈ വിജയത്തോടെ ഘാന 10 മത്സരങ്ങളില്‍ നിന്ന് 25 പോയിന്റുമായി ഗ്രൂപ്പ് ഐ-യില്‍ ഒന്നാമതെത്തി. ഇത് അഞ്ചാം തവണയാണ് ഘാന ലോകകപ്പ് യോഗ്യത നേടുന്നത്. 2010ലോകകപ്പില്‍ ക്വാര്‍ട്ടര്‍ ഫൈനലില്‍ എത്തിയതാണ് ഏറ്റവും വലിയ നേട്ടം. യുറുഗ്വായിനോട് ട്രൈബേക്കറിലാണ് ഘാന പുറത്തായത്.