ഗുല്‍വീര്‍ സിങ്.  
Sports

ഏഷ്യന്‍ ഗെയിംസില്‍ ഹാട്രിക് മെഡലുമായി ഗുല്‍വീര്‍ സിങ്

13 മിനിറ്റും 32.75 സെക്കന്‍ഡുമെടുത്താണ് ഗുല്‍വീര്‍ മത്സരം പൂര്‍ത്തിയാക്കിയത്.

Author : സമകാലിക മലയാളം ഡെസ്ക്
Edited By : Sujith

നഗോയ: ഏഷ്യന്‍ ഗെയിംസില്‍ ഹാട്രിക് മെഡലുമായി ഗുല്‍വീര്‍ സിങ്. ചൊവ്വാഴ്ച നടന്ന പുരുഷന്മാരുടെ 5000 മീറ്റര്‍ ഫൈനലില്‍ വെങ്കല മെഡല്‍ നേടിയതോടെയാണ് ഈ ഏഷ്യന്‍ ഗെയിംസില്‍ അദ്ദേഹം തന്റെ മൂന്നാം മെഡല്‍ സ്വന്തമാക്കിയത്. 13 മിനിറ്റും 32.75 സെക്കന്‍ഡുമെടുത്താണ് ഗുല്‍വീര്‍ മത്സരം പൂര്‍ത്തിയാക്കിയത്.

മത്സരത്തില്‍ ബഹ്‌റൈന്റെ ബിര്‍ഹാനു ബാലെ സ്വര്‍ണം നേടി. 13 മിനിറ്റും 30.79 സെക്കന്‍ഡുകൊണ്ടാണ് താരം ഓടിയെത്തയത്. ജപ്പാന്റെ ടോമൊനോറി യമാഗുച്ചിക്കാണ് വെള്ളി മെഡല്‍.

നേരത്തെ, പുരുഷന്മാരുടെ 1500 മീറ്റര്‍, 10,000 മീറ്റര്‍ ഫൈനലുകളില്‍ ഗുല്‍വീര്‍ വെള്ളി മെഡലുകള്‍ നേടിയിരുന്നു. തിങ്കളാഴ്ച നടന്ന 1500 മീറ്ററില്‍ 3 മിനിറ്റും 31.13 സെക്കന്‍ഡും കൊണ്ടാണ് അദ്ദേഹം വെള്ളി സ്വന്തമാക്കിയത്. 10,000 മീറ്റര്‍ മത്സരം 28 മിനിറ്റും 29.38 സെക്കന്‍ഡും കൊണ്ടാണ് പൂര്‍ത്തിയാക്കിയത്. കഴിഞ്ഞ തവണ ഹാങ്ഷൗവില്‍ നടന്ന ഏഷ്യന്‍ ഗെയിംസില്‍ ഇതേ ഇനത്തില്‍ വെങ്കലം നേടിയിരുന്ന ഗുല്‍വീറിന് ഇത്തവണ അത് വെള്ളിയാക്കി ഉയര്‍ത്താന്‍ സാധിച്ചു.

Gulveer Singh Secures Hat-Trick Of Asian Games Medals, Wins Bronze In Men’s 5000m

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'ഇത് നരനായാട്ട്': കാൻസർ മരുന്നുകൾക്ക് ആശുപത്രികൾ പത്തിരട്ടി വില ഈടാക്കുന്നതിനെതിരെ രൂക്ഷവിമർശനവുമായി സുപ്രീം കോടതി

മടക്കരയിൽ കടലിൽ ശക്തമായ തിരമാലയിൽപ്പെട്ട് മത്സ്യബന്ധന ബോട്ട് തകർന്നു

കെട്ടുകണക്കിന് പണം, സ്വര്‍ണ്ണം, ഒന്നര കോടിയുടെ ഹെറോയിന്‍; അന്തര്‍ സംസ്ഥാന മയക്കുമരുന്ന് ശൃംഖല 'തലൈവി' അറസ്റ്റില്‍

കിച്ചൺ സിങ്കിന് താഴെ എന്തൊക്കെ വയ്ക്കാം, ഒഴിവാക്കേണ്ടവ

20 വര്‍ഷം ജോലി ചെയ്താല്‍ ഇപിഎസ് പെന്‍ഷന്‍ എത്ര?; കണക്ക്