ലണ്ടന്‍: ആഷസ് പരമ്പരയിലെ മൂന്നാം പോരാട്ടത്തില്‍ ഓസ്ട്രേലിയക്കെതിരെ ഇംഗ്ലണ്ട് ഗംഭീര വിജയം സ്വന്തമാക്കി പരമ്പര 2-1 എന്ന നിലയിലാക്കി. മത്സരത്തില്‍ യുവ താരം ഹാരി ബ്രൂക്കിന്റെ നിര്‍ണായക ബാറ്റിങാണ് ഇംഗ്ലീഷ് ജയത്തിന്റെ കാതല്‍. 93 പന്തുകള്‍ നേരിട്ട് ബ്രൂക്ക് 75 റണ്‍സടിച്ചു.
അര്‍ധ സെഞ്ച്വറി നേട്ടത്തിനൊപ്പം ബ്രൂക്ക് ഒരു ലോക റെക്കോര്‍ഡും കുറിച്ചു. ടെസ്റ്റ് ക്രിക്കറ്റില്‍ ഏറ്റവും വേഗത്തില്‍ 1000 റണ്‍സ് തികയ്ക്കുന്ന ആദ്യ താരമായി ബ്രൂക്ക് മാറി. ഏറ്റവും കുറച്ചു പന്തുകളില്‍ 1000 റണ്‍സെന്ന മികവാണ് റെക്കോര്‍ഡിനു കണക്കാക്കിയത്. ന്യൂസിലന്‍ഡ് ബാറ്റര്‍ കോളിന്‍ ഡി ഗ്രാന്‍ഡ്‌ഹോമിന്റെ റെക്കോര്‍ഡാണ് ബ്രൂക്ക് സ്വന്തം പേരിലാക്കിയത്.
1058 പന്തുകള്‍ മാത്രം നേരിട്ടാണ് ബ്രൂക്ക് 1000ത്തില്‍ എത്തിയത്. ഡി ഗ്രാന്‍ഡ്‌ഹോം 1140 പന്തുകളില്‍ നിന്നാണ് ടെസ്റ്റില്‍ 1000 റണ്‍സ് തികച്ചത്. മറ്റൊരു ന്യൂസിലന്‍ഡ് താരം ടിം സൗത്തിയാണ് പട്ടികയില്‍ നാലാം സ്ഥാനത്ത്. താരം 1167 പന്തുകളില്‍ നിന്നാണ് ആയിരം തികച്ചത്. ഇംഗ്ലണ്ട് താരം ബെന്‍ ഡുക്കറ്റാണ് പട്ടികയിലെ നാലാമന്‍. താരം 1168 പന്തില്‍ നിന്നാണ് 1000ത്തില്‍ എത്തിയത്.
ആദ്യ രണ്ട് ടെസ്റ്റുകളിലും ദയനീയ പരാജയമേറ്റു വാങ്ങിയതിന്റെ ക്ഷീണത്തിലായിരുന്നു ഇംഗ്ലണ്ട്. മൂന്നാം പോരാട്ടത്തില്‍ ജയിച്ചെങ്കില്‍ മാത്രമേ അവര്‍ക്ക് ആഷസ് കിരീടം നിലനിര്‍ത്താമെന്ന പ്രതീക്ഷയെങ്കിലും ബാക്കി നിര്‍ത്താന്‍ സാധിക്കുമായിരുന്നുള്ളു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates