കാബൂള്‍: ഇന്ത്യക്കെതിരായ ടി20 പരമ്പരയ്ക്കുള്ള അഫ്ഗാനിസ്ഥാന്‍ ടീമിനെ പ്രഖ്യാപിച്ചു. 19 അംഗ സംഘമാണ് ഇന്ത്യയില്‍ കളിക്കാനെത്തുന്നത്. ഇബ്രാഹിം സാദ്രാന്‍ ക്യാപ്റ്റനായി തുടരും.
ഈ മാസം 11 മുതലാണ് പരമ്പര തുടങ്ങുന്നത്. മൂന്ന് മത്സരങ്ങളടങ്ങിയ പരമ്പരയാണ് കളിക്കുന്നത്. 14, 17 തീയതികളിലാണ് ശേഷിക്കുന്ന മത്സരങ്ങള്‍.
സ്റ്റാര്‍ സ്പിന്നറും ടി20 ക്യാപ്റ്റനുമായ റാഷിദ് ഖാന്‍ ടീമില്‍ ഉള്‍പ്പെട്ടിട്ടുണ്ട്. എന്നാല്‍ അദ്ദേഹം കളിക്കുന്ന കാര്യം ഇപ്പോഴും ഉറപ്പായിട്ടില്ല. ശസ്ത്രക്രിയ കഴിഞ്ഞ വിശ്രമിക്കുകയാണ് താരം. പുറത്തേറ്റ പരിക്കിനാണ് ശസ്ത്രക്രിയ നടത്തിയത്.
ഇബ്രാഹിം സാദ്രാന്റെ നായക മികവില്‍ യുഎഇക്കെതിരായ ടി20 പരമ്പര 2-1നു നേടിയാണ് ടീം ഇന്ത്യയിലേക്ക് വരുന്നത്. ഈ പരമ്പരയില്‍ ടീമിലില്ലാതിരുന്ന മുജീബ് റഹ്മാന്‍ ഇന്ത്യക്കെതിരായ പരമ്പരയ്ക്കുള്ള ടീമില്‍ തിരിച്ചെത്തി. യുഎഇ പോരാട്ടത്തിലെ റിസര്‍വ് ടീം അംഗമായിരുന്ന ഇക്രം അലിഖില്‍ ഇത്തവണ മെയിന്‍ പട്ടികയിലെത്തി.
ഇബ്രാഹിം സാദ്രാന്‍ (ക്യാപ്റ്റന്‍), റഹ്മാനുള്ള ഗുര്‍ബാസ്, ഇക്രം അലിഖില്‍, ഹസ്രത്തുള്ള സസായ്, റഹ്മത്ത് ഷാ, നജീബുല്ല സാദ്രാന്‍, മുഹമ്മദ് നബി, കരീം ജനത്ത്, അസ്മുല്ല ഒമര്‍സായി, ഷറഫുദ്ദീന്‍ അഷ്റഫ്, മുജീബ് റഹ്മാന്‍, ഫസല്‍ ഹഖ് ഫാറൂഖി, ഫരീദ് അഹമദ്, നവീന്‍ള ഉള്‍ ഹഖ്, നൂര്‍ അഹമ്മദ്, മുഹമ്മദ് സലീം, ഖായിസ് അഹമ്മദ്, ഗുല്‍ബാദിന്‍ നായിബ്, റാഷിദ് ഖാന്‍.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates