ന്യൂഡല്ഹി: ടി20 ലോകകപ്പിനുള്ള ഇന്ത്യന് സംഘത്തെ തെരഞ്ഞെടുത്ത് മുന് താരം സഹീര് ഖാന്. ശിഖര് ധവാനെ ഒഴിവാക്കി പകരം കെ എല് രാഹുലിനെയാണ് സഹീര് രോഹിത് ശര്മയ്ക്കൊപ്പം ഓപ്പണറാക്കുന്നത്.
രാഹുലും രോഹിത്തുമാണ് എന്റെ ഓപ്പണര്മാര്. കോഹ് ലിയും സൂര്യയും ഓപ്പണര്മാര്ക്ക് പിന്നാലെ വരും. ഇന്നിങ്സ് ഓപ്പണ് ചെയ്യാന് ആഗ്രഹിക്കുന്നു എന്ന കോഹ് ലിയുടെ പ്രതികരണം വന്നത് എനിക്കറിയാം. എന്നാല് ഹര്ദിക് ബൗള് ചെയ്യാന് ഇല്ലാത്തപ്പോള് മാത്രം കോഹ് ലി ഇന്നിങ്സ് ഓപ്പണ് ചെയ്താല് മതി എന്നാണ് എന്റെ അഭിപ്രായം,സഹീര് പറയുന്നു.
'ഹര്ദിക് ബൗള് ചെയ്യാന് ഇല്ലാതെ വരുമ്പോള് കോഹ് ലി ഇന്നിങ്സ് ഓപ്പണ് ചെയ്യുന്നതിലൂടെ ഒരു ബാറ്റ്സ്മാനെ നിങ്ങള്ക്ക് വേണ്ടന്ന് വയ്ക്കാം. ഒരു എക്സ്ട്രാ ബൗളറെ ടീമില് ഉള്പ്പെടുത്തുകയും ചെയ്യാം. ചഹലാണ് തന്റെ പ്രധാന ലെഗ് സ്പിന്നര്. രാഹുല് ചഹറാണ് ചഹലിന്റെ ബാക്ക്അപ്പ്.'
ന്യൂബോള് എറിയാനാവുന്ന വരുണ് ചക്രവര്ത്തി, വാഷിങ്ടണ് സുന്ദര് എന്നിവരാണ് പിന്നെ വരുന്നത്. ഒരു നിഗൂഡത ആഗ്രഹിക്കുന്നുണ്ടെങ്കില് ചഹലിനൊപ്പം പോകാം. അതല്ലെങ്കില് സുന്ദറും, സഹീര് ഖാന് പറഞ്ഞു.
സഹീര് ഖാന്റെ 15 അംഗ സംഘം: രോഹിത് ശര്മ, കെഎല് രാഹുല്, കോഹ് ലി, സൂര്യകുമാര് യാദവ്, ഇഷന് കിഷന്, ഋഷഭ് പന്ത്. ഹര്ദിക് പാണ്ഡ്യ, രവീന്ദ്ര ജഡേജ, ദീപക് ചഹര്, ചഹല്, ബൂമ്ര, മുഹമ്മദ് ഷമി, രാഹുല് ചഹര്, ടി നടരാജന്, ഭുവനേശ്വര് കുമാര്, വാഷിങ്ടണ് സുന്ദര്/വരുണ് ചക്രവര്ത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates