കൊളംബോ: ഇന്ത്യൻ ക്രിക്കറ്റ് ടീമിന്റെ പുതിയ പരിശീലകനായി ഗൗതം ​ഗംഭീർ സ്ഥാനമേറ്റ ശേഷമുള്ള ആദ്യ പോരാട്ടത്തിന് ടീം നാളെയിറങ്ങും. മുൻ നെതർലൻഡ്സ് നായകൻ റയാൻ ഡെൻ ഡോഷെ ശ്രീലങ്കയിലുള്ള ഇന്ത്യൻ ടീമിനൊപ്പം ചേർന്നു. ​ടീമിന്റെ സഹ പരിശീലകനാണ് ഡെൻ ഡോഷെ.

കൊൽക്കത്ത നൈറ്റ് റൈഡേഴ്‌സിൽ ഗംഭീറിനൊപ്പം പ്രവർത്തിച്ചയാളാണ് ഡെൻ ഡോഷെ. മുൻ ഇന്ത്യൻ താരം അഭിഷേക് നായരാണ് ​ഗംഭീറിന്റെ സഹ പരിശീലകനായ മറ്റൊരാൾ. ടീമിന്റെ ബാറ്റിങ് കോച്ചും അഭിഷേകാണ്. നിലവിൽ ബൗളിങ് പരിശീലകനായ മുൻ ദക്ഷിണാഫ്രിക്കൻ പേസർ മോൺ മോർക്കൽ ടീമിനൊപ്പം ചേർന്നിട്ടില്ല. ഫീൽഡിങ് പരിശീലകനായി ടി ദിലീപ് തന്നെയാണ് തുടരുന്നത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

കെകെആറിൽ ടെൻ ഡോഷെ ടീമിന്റെ ഫീൽഡിങ് കോച്ചായിരുന്നു. അഭിഷേക് നായർ ഗംഭീറിനൊപ്പം ബാറ്റിങ് പരിശീലകനായാണ് പ്രവർത്തിച്ചത്. ഗംഭീർ ലഖ്‌നൗ സൂപ്പർ ജയന്റ്‌സ് മെന്ററായിരിക്കുമ്പോൾ മോൺ മോർക്കൽ ടീമിന്റെ ബൗളിങ് പരിശീലകനായിരുന്നു. ദ്രാവിഡ് പരിശീലകനായ കാലത്തും ടീമിന്റെ ഫീൽഡിങ് കോച്ച് ദിലീപായിരുന്നു.