ചെന്നൈ: 44ാമത് ചെസ് ഒളിംപ്യാഡില്‍ മൂന്ന് മെഡല്‍ വരെ ഇന്ത്യക്ക് നേടാനാവുമെന്ന് മുന്‍ വനിതാ ലോക ചാമ്പ്യന്‍ സൂസന്‍ പോള്‍ഗാര്‍. റഷ്യന്‍, ചൈനീസ് ടീമുകളുടെ അഭാവത്തില്‍ ഇന്ത്യന്‍ വനിതാ ടീമിന് മെഡല്‍ നേടാനുള്ള സാധ്യത കൂടുതലാണെന്ന് സൂസന്‍ പോള്‍ഗാര്‍ പറഞ്ഞു.
15ാം വയസില്‍ ലോകത്തിലെ വനിതാ താരങ്ങളില്‍ റാങ്കിങ്ങില്‍ ഒന്നാമതെത്തിയ താരമാണ് സൂസന്‍ പോള്‍ഗര്‍. 1991ല്‍ ഗ്രാന്‍ഡ്മാസ്റ്ററായ സൂസന്‍ 1996 മുതല്‍ 99 വരെ വനിതാ ലോക ചാമ്പ്യനായി തുടര്‍ന്നു. ചെസ് ഒളിംപ്യാഡില്‍ 12 മെഡലുകളാണ് സൂസന്‍ നേടിയത്. 5 സ്വര്‍ണവും നാല് വെള്ളിയും മൂന്ന് വെങ്കലവും.
ചെന്നൈ വേദിയാവുന്ന ചെസ് ഒളിംപ്യാഡില്‍ യുഎസ് ടീം സ്വര്‍ണത്തിലേക്ക് എത്തുമെന്നാണ് സൂസന്‍ പോള്‍ഗറിന്റെ പ്രവചനം. ഇന്ത്യയുടെ എ, ബി ടീമുകള്‍ക്ക് ബാക്കിയുള്ള മെഡലുകളിലേക്കാവും എത്താനാവുക എന്നും സൂസന്‍ പോള്‍ഗര്‍ പറയുന്നു.
കൊനേരു ഹംപി, ദ്രോനാവല്ലി ഹരിക, ആര്‍ വൈശാലി, താനിയ സച്ച്‌ദേവ്, ഭക്തി കുല്‍കര്‍ണി എന്നിവരാണ് വനിതാ ടീമിലെ ഇന്ത്യയുടെ ടോപ് സീഡുകള്‍. ചെസ് ഒളിംപ്യാഡില്‍ വനിതാ വിഭാഗത്തില്‍ ആദ്യമായി മെഡല്‍ നേടുകയാണ് ഇന്ത്യയുടെ ലക്ഷ്യം.
ഈ വാർത്ത കൂടി വായിക്കാം
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates